गेल्या दोन महिन्यांत, आम्ही 138 घुसखोर शोधून काढले आहेत आणि त्यांना परत पाठवले आहे. बांगलादेशातील छळामुळे हिंदू भारतात येत असल्याच्या कथनाच्या उलट, आपण घुसखोरांमध्ये फक्त रोहिंग्या मुस्लिम पाहत आहोत, हिंदू बंगाली आपल्या देशात येत नाहीत, असे विधान आसामचे मुख्यमंत्री हिमंता बिस्वा सरमा (Himanta Biswa Sarma) यांनी केले.
मुख्यमंत्री सरमा (Himanta Biswa Sarma) यांनी रविवारी (२७ ऑक्टोबर २०२४) गुवाहाटीमध्ये घुसखोरीच्या समस्येवर भाष्य केले. मुख्यमंत्री सरमा यांनी सांगितले की, त्यांनी काही लोकांची ओळखही केली आहे जे भारतात घुसखोरी केल्यानंतर बांगलादेशात परत जातात आणि नवीन घुसखोर आणतात. बांगलादेशातून येणारे घुसखोर, ज्यांना आसामने रोखले आहे, ते पुन्हा पश्चिम बंगालमधून प्रवेश करू शकतात. पीडित बंगाली हिंदू नसून देशात घुसणारे रोहिंग्या मुस्लिम घुसखोर आहेत. गेल्या दोन महिन्यांत आसाम सीमेवर पकडलेले सर्व बेकायदेशीर घुसखोर हे रोहिंग्या आहेत. त्यांनी पश्चिम बंगाललाही घुसखोरांची ओळख पटवण्यासाठी सहकार्य करण्यास सांगितले आहे.
मुख्यमंत्री सरमा (Himanta Biswa Sarma) यांनी घुसखोरी रोखण्यासाठी त्रिपुराने केलेल्या प्रयत्नांची प्रशंसा केली आहे. बांगलादेशातून कोण येत आहे याची मला पर्वा नाही, बांगलादेशातून बेकायदेशीरपणे घुसलेल्या लोकांना परत पाठवायचे आहे, असेही मुख्यमंत्री सरमा म्हणाले. म्यानमारमधून येणारे रोहिंग्या घुसखोर भारतात घुसण्याचा प्रयत्न करत असतात हे विशेष. याआधीच मोठ्या प्रमाणात रोहिंग्या घुसखोर भारतात आले आहेत. आसाम, [पश्चिम बंगाल आणि त्रिपुरा] मार्गे प्रवेश करणारे हे घुसखोर पुढे देशाच्या विविध भागात पसरले, असेही मुख्यमंत्री सरमा म्हणाले.
Join Our WhatsApp Community