![Kunbi certificate will take concrete decision; CM Eknath Shinde's assurance to Manoj Jarange Patil Maratha Reservation : कुणबी प्रमाणपत्र वाटपाचा ठोस निर्णय घेऊ; मुख्यमंत्री एकनाथ शिंदे यांचे जरांगे पाटीलांना आश्वासन](https://www.marathi.hindusthanpost.com/wp-content/uploads/2023/10/New-Project-64-696x377.webp)
मराठा आरक्षणाच्या मागणीसाठी आंतरवली सराटी या गावात उपोषणाला बसलेले नेते मनोज जरांगे पाटील यांच्याशी मुख्यमंत्री एकनाथ शिंदे यांनी मंगळवारी सकाळी फोनवरून संवाद साधला. यावेळी मुख्यमंत्री शिंदे यांनी जरांगे पाटील यांच्या तब्येतीची चौकशी केली, तसेच मराठा समाजाला आरक्षण मिळवून देण्याच्या अनुषंगाने या दोघांमध्ये सकारात्मक चर्चाही झाली. (Maratha Reservation)
(हेही वाचा – Honeytrap : पाकिस्तानला गोपनीय माहिती देणाऱ्या एका तरुणाला अटक)
यावेळी मुख्यमंत्री शिंदे यांनी मराठा समाजाला कुणबी प्रमाणपत्रे देण्याबाबत आजच्या केबिनेटमध्ये ठोस निर्णय घेण्यात येणार असल्याचे जरांगे पाटील यांना सांगितले. तसेच मराठा आरक्षणाचा प्रश्न कायदेशीररित्या सोडवणे गरजेचे असून त्यासाठी शासनाने सर्वोच्च न्यायालयात क्युरेटिव्ह पिटीशन दाखल केली आहे. या पिटीशनवर सुनावणी घ्यायला न्यायालयाने होकार दिलेला आहे. त्यामुळे मराठा समाजाला कायद्याच्या कसोटीत बसणारे आणि कायम टिकणारे आरक्षण मिळवून देण्याबाबत शासन पूर्णपणे सकारात्मक असल्याचेही यावेळी मुख्यमंत्री शिंदे यांनी स्पष्ट केले. समाधानकारक चर्चा झाल्यामुळे जरांगे पाटील यांनी नंतर पाणीही घेतले. (Maratha Reservation)
हेही पहा –
Join Our WhatsApp Community