Lok Sabha Election 2024 : सांगलीची उमेदवारी उबाठाला; तरीही विश्वजित कदम म्हणतात फेरविचार करा 

येत्या काळात आम्ही सांगली जिल्ह्यातील प्रत्येक कार्यकर्त्यांशी चर्चा करणार आहोत. त्यांच्या भावना समजून घेणार आहोत. त्यानंतर पुढील निर्णय घेणार असल्याचे विश्वजीत कदम यांनी सांगितले आहे. मात्र, असे असले तरी भारतीय जनता पक्षाला विरोध करण्यासाठी लोकांची भावना समजून घेण्याचा आमचा प्रयत्न असल्याचे विश्वजीत कदम यांनी सांगितले. त्यासाठी विशाल पाटील आणि मी मतदार संघाचा दौरा करणार असल्याचेही त्यांनी सांगितले. सांगली लोकसभा मतदारसंघांमध्ये उद्धव ठाकरे यांच्या शिवसेनेचे चंद्रहार पाटील यांना महाविकास आघाडीच्या वतीने उमेदवारी देण्यात आली आहे. या निर्णयाला सांगली जिल्ह्याचे नेते विश्वजीत कदम यांनी कडाडून विरोध केला होता. सांगली लोकसभा मतदारसंघ हा काँग्रेसचा पारंपरिक बालेकिल्ला असून या ठिकाणी काँग्रेसचा उमेदवार निवडणुकीत उभा करावा, अशी मागणी त्यांनी केली होती.  (Lok Sabha Election 2024)