तुरुंगात आलेली ऑफर मी नाकारली, नाहीतर… अनिल देशमुखांचा मोठा खुलासा

अनिल देशमुख यांनी नागपुरात केलेल्या दाव्यामुळे नव्या चर्चा सुरु झाल्या आहेत. मला तुरुंगात एक ऑफर आली होती. जी मी नाकारली. जर मी तडजोड केली असती तर महाविकास आघाडीचे सरकार अडीच वर्षांपूर्वीच कोसळले असते, पण माझा न्यायावर विश्वास आहे, म्हणून मी सुटकेची वाट पाहत होतो, असा खुलासा अनिल देशमुख यांनी केला.

…म्हणून मला फसवले

मुकेश अंबानी यांच्या अॅंटिलिया निवासस्थानासमोर आढळलेली स्फोटके आणि मनसुख हिरेन हत्याकांड या प्रकरणांमुळे मुंबईचे माजी पोलीस आयुक्त परमबीर सिंह आणि माजी पोलीस अधिकारी सचिन वाझे यांना मी निलंबित केले होते. त्यामुळे दोघांनी एकत्र येऊन मला अडचणीत आणण्यासाठी खोटे आरोप केले. दोघांच्या मागे कुणी मास्टरमाइंड आहे, असे अनिल देशमुख म्हणाले.