मध्य प्रदेशात ‘Thank God’ चित्रपटावर बंदी घालण्याची मागणी

अभिनेता अजय देवगण आणि सिद्धार्थ मल्होत्रा यांच्या आगामी चित्रपट ‘थँक गॉड’ चित्रपटाचा नुकताच ट्रेलर रिलीज झाला आहे. त्यात हिंदू देवतांचे विडंबन केल्याने हिंदूंच्या धार्मिक भावना दुखावल्या आहेत. त्यामुळे मध्य प्रदेशचे शिक्षण मंत्री विश्वास सारंग यांनी केंद्रीय माहिती आणि प्रसारण मंत्री अनुराग ठाकूर यांना पत्र लिहून या चित्रपटावर बंदी घालण्याची मागणी केली आहे.

(हेही वाचा ATS ची मोठी कारवाई! मालेगाव शहरातून PFI चा कार्यकर्ता ताब्यात)

हिंदू जनजागृती समितीने केला विरोध 

या चित्रपटात भगवान विष्णूची खिल्ली उडवण्यात आली आहे. बॉलिवूडकडून वारंवार ओटीटी प्लॅटफॉर्म असो किंवा चित्रपटातून हिंदू देवतांचा अवमान केला जात असतो, असे मंत्री सारंग यांनी पत्रात म्हटले आहे. या चित्रपटात चित्रगुप्त आणि यमराज सूट घालून दाखवण्यात आला आहे. ही एका सामान्य माणसाची (मल्होत्राने भूमिका केलेली) कथा आहे जो अपघातानंतर मरण पावतो आणि जीवन आणि मृत्यू यांच्यातील जगात प्रवेश करतो, जिथे तो चित्रगुप्त (देवगणने साकारलेला) भेटतो जिथे दोघे ‘गेम ऑफ लाईफ’ खेळतात, असे दाखवण्यात आले आहे. गेल्या आठवड्यात, हिंदू जनजागृती समितीने चित्रगुप्त आणि यमराज यांच्याशी संबंधित हिंदू श्रद्धांची कथितपणे खिल्ली उडवल्याबद्दल आगामी चित्रपटावर बंदी घालण्याची मागणी केली आहे. समितीने प्रसिद्धीपत्रकात म्हटले आहे की, या चित्रपटातील चित्रगुप्त आणि यमराज यांचे संवाद विनोदी आणि आधुनिक जगातातील आहेत.

(हेही वाचा NIA आणि ED धाडी टाकत असलेले PFI आहे तरी काय? जाणून घ्या सविस्तर)

प्रतिक्रिया द्या

Please enter your comment!
Please enter your name here