कारागृहात नवनीत राणा यांची प्रकृती खालावली

117

मुंबईतील भायखळा महिला कारागृहात खासदार नवनीत राणा यांची प्रकृती खालावली. त्याच्यावर कारागृहातील रुग्णालयात उपचार सुरू आहेत. नवनीत राणा यांना उच्च रक्तदाबाचा त्रास असून त्यांना दुसऱ्या रुग्णालयात हलवले जाण्याची शक्यता आहे.

(हेही वाचा – लतादीदी यांचे बंधू ज्येष्ठ संगीतकार हृदयनाथ मंगेशकर रुग्णालयात दाखल)

24 एप्रिल रोजी वांद्रे दंडाधिकारी न्यायालयाने देशद्रोहाचा आरोप असलेले खासदार नवनीत राणा आणि त्यांचे आमदार पती रवी राणा यांना 14 दिवसांची न्यायालयीन कोठडी सुनावली होती. यानंतर पोलिसांनी नवनीत राणा आणि रवी राणा यांची कोरोना चाचणी केली. या दोघांचा कोरोना चाचणी अहवाल निगेटिव्ह आला आहे. त्यामुळे पोलिसांनी नवनीत राणाला भायखळा महिला कारागृहात तर रवी राणाला तळोजा कारागृहात पाठवले. तुरुंगात आल्यानंतर नवनीत राणा यांचा रक्तदाब वाढल्याने त्यांना तुरुंगातच असलेल्या रुग्णालयात दाखल करण्यात आले.

काय आहे प्रकरण

अमरावती लोकसभा मतदारसंघाचे खासदार नवनीत राणा आणि आमदार रवी राणा यांनी अमरावतीकरांनी मुंबईत येऊन मुख्यमंत्र्यांचे खासगी निवासस्थान असलेल्या मातोश्री बंगल्यावर हनुमान चालीसा वाचण्याचे आव्हान केले होते. दरम्यान, राणा दाम्पत्याने मुख्यमंत्र्यांबद्दल अपशब्द वापरत सरकारला आव्हानही दिले होते. त्याला कलम 149 अंतर्गत नोटीस देण्यात आली की शांतता राखणे हे तुमचे कर्तव्य आहे, त्यामुळे तुम्ही अमरावतीला परत जा. मात्र नोटीस असूनही त्यांनी सरकारला आव्हान दिले. त्यामुळे या आरोपींविरुद्ध कलम 124 अ अन्वये देशद्रोहाचा गुन्हाही दाखल करण्यात आला आहे.

याचिकेवर 29 एप्रिल रोजी होणार सुनावणी 

दंडाधिकारी न्यायालयाने या दोन्ही आरोपींना 14 दिवसांची न्यायालयीन कोठडी दिल्यानंतर त्यांचे वकील रिजवान मर्चंट यांनी जामीन अर्ज न्यायालयात सादर केला. परंतु न्यायालयाने सरकारी वकील प्रदीप घरत यांना 27 एप्रिलपर्यंत दोघांच्या जामिनावर पोलिसांची बाजू मांडण्यास सांगितले असून, 29 एप्रिल रोजी जामीन अर्जावर सुनावणी घेण्याचे ठरविले आहे.

Join Our WhatsApp Community
Get The Latest News!
Don’t miss our top stories and need-to-know news everyday in your inbox.