काँग्रेसचे प्रदेशाध्यक्ष नाना पटोले यांना येरवडा येथील मनोरुग्णालयात अत्यंत गंभीर आजाराच्या उपचारासाठी त्वरित दाखल करून घेण्यात यावे यासाठी पुणे शहर भारतीय जनता युवा मोर्चातर्फे भाजपा शहराध्यक्ष जगदीश मुळीक यांच्या नेतृत्वाखाली आंदोलन करण्यात आले.
देशाचे प्रधानमंत्री नरेंद्र मोदी यांच्या विषयी आक्षेपार्ह भाषा व मारण्याची धमकी देणारे भाष्य करणारे काँग्रेस प्रदेशाध्यक्ष नाना पटोले यांचे मानसिक संतुलन पूर्ण बिघडले असून त्यांना मानसोपचाराची अत्यंत निकडीची आवश्यकता आहे. त्यासाठी त्यांना येरवडा येथील मनोरुग्णालयात अत्यंत गंभीर आजाराच्या उपचारासाठी त्वरित दाखल करावे, यासाठी पुणे शहर भारतीय जनता युवा मोर्चातर्फे भाजपा शहराध्यक्ष जगदीश मुळीक आणि युवा मोर्चा अध्यक्ष राघवेंद्र मानकर यांच्या नेतृत्वाखाली आंदोलन करण्यात आले.
( हेही वाचा : भारताच्या आघाडीच्या १०० कंपन्यांमध्ये ‘ही’ कंपनी ठरली No.1! )
वेगळ्या पद्धतीने स्वागत करणार
या आंदोलनाच्या वेळी नाना पटोले यांचा भारतीय जनता पार्टी युवा मोर्चाकडून तीव्र निषेध करण्यात आला. काँग्रेसचे प्रदेशाध्यक्ष नाना पटोले यांनी देशाच्या पंतप्रधानांबद्दल जी भाषा वापरली आहे, ती अत्यंत आक्षेपार्ह असून गुन्हेगारी पद्धतीची आहे, असे जगदीश मुळीक यांनी सांगितले. मुळीक पुढे म्हणाले, पंतप्रधानांबद्दल भाष्य करताना प्रत्येक भारतीय नागरिकाने व्यवस्थित भाष्य केले पाहिजे. नाना पाटोले हे पुण्यात आल्यावर आम्ही त्यांचे वेगळ्या पद्धतीने स्वागत करणार आहोत, असेही त्यांनी सांगितले.
( हेही वाचा : पटोले म्हणतात ‘त्या’ गावात खरचं मोदी नावाचा गावगुंड आहे का? काय आहे वास्तव? )
पटोले यांना येरवडा येथील मनोरुग्णालयात अत्यंत गंभीर आजाराच्या उपचारासाठी त्वरित दाखल करा यासाठी त्यांच्या नावाचा अर्ज रुग्णालयात दाखल करण्यात आला असून त्यांच्यावर करण्यात येणाऱ्या उपचाराचा सर्व खर्च भाजपकडून करण्यात येईल असे राघवेंद्र मानकर यांनी सांगितले.
Join Our WhatsApp Community