भारत यावर्षी २६ जानेवारी २०२५ रोजी ७६ वा प्रजासत्ताक दिन (Republic Day) साजरा करत आहे. दरम्यान पंतप्रधान नरेंद्र मोदी (PM Narendra Modi) यांनी शुक्रवारी त्यांच्या निवासस्थानी प्रजासत्ताक दिनाच्या परेडमध्ये सहभागी होणाऱ्या एनसीसी कॅडेट्स, एनएसएस स्वयंसेवक, आदिवासी पाहुणे आणि झांकी कलाकारांशी संवाद साधला. यावेळी त्यांनी राष्ट्रीय एकता आणि विविधतेच्या महत्त्वावर भर दिला. ‘एक भारत, श्रेष्ठ भारता’ची (Ek Bharat shreshth Bharat) भावना बळकट करण्यासाठी त्यांनी विविध राज्यांतील लोकांशी संवाद साधला. (PM Narendra Modi)
यावेळी, एनसीसी कॅडेट्स (NCC Cadets), एनएसएस स्वयंसेवक, आदिवासी पाहुणे आणि झांकी कलाकारांनी देशाची संस्कृती आणि विविधता दर्शविणारे सांस्कृतिक कार्यक्रम सादर केले. पंतप्रधान मोदी म्हणाले की अशा संवादांमुळे समजूतदारपणा आणि एकता वाढते. देशाच्या प्रगतीसाठी हे महत्त्वाचे आहे.
पंतप्रधान कार्यालयाने म्हटले आहे की, पंतप्रधानांनी यावर भर दिला आहे की, एक जबाबदार नागरिक म्हणून कर्तव्ये पार पाडून विकसित भारताचे स्वप्न साध्य करता येते. त्यांनी सर्वांना एकत्रित राहून सामूहिक प्रयत्नांद्वारे राष्ट्राला बळकटी देण्यासाठी वचनबद्ध राहण्याचे आवाहन केले. त्यांनी तरुणांना माय भारत पोर्टलवर (My India Portal) नोंदणी करण्यास आणि राष्ट्र उभारणीत योगदान देणाऱ्या उपक्रमांमध्ये सहभागी होण्यास प्रोत्साहित केले. त्यांनी लोकांना शिस्त, वक्तशीरपणा, लवकर उठणे आणि डायरी लिहिणे यासारख्या चांगल्या सवयी अंगीकारण्यास प्रोत्साहित केले.
(हेही वाचा – Mumbai Fire: गोरेगावच्या फर्निचर मार्केटला भीषण आग ; 8 अग्निशमन दलाच्या गाड्या घटनास्थळी दाखल)
पंतप्रधानांनी फिट इंडिया चळवळीबद्दल (Fit India Movement) चर्चा केली. त्यांनी लोकांना योगा करण्यासाठी वेळ काढावा, तंदुरुस्ती आणि आरोग्यावर लक्ष केंद्रित करावे असे आवाहन केले. पंतप्रधानांनी कार्यक्रमात सहभागी झालेल्या परदेशी सहभागींशीही संवाद साधला.
हेही पाहा –
Join Our WhatsApp Community