शिंदे गटाच्या शहाजीबापू पाटलांच्या ताफ्यातील गाडीला अपघात: एकाचा जागीच मृत्यू, एक गंभीर

मुख्यमंत्री एकनाथ शिंदे यांच्या वाढदिवसानिमित्ताने आयोजित केलेल्या कार्यक्रमावरून परतत असताना आमदार शहाजीबापू पाटील यांच्या ताफ्यातील गाडीला अपघात झाल्याची माहिती समोर आहे. यामध्ये एकाचा जागी मृत्यू झाला असून एक जण गंभीर जखमी झाला आहे. ही ताफ्यातील अपघाग्रस्त गाडी पोलिसांची असल्याची माहिती मिळतेय. दरम्यान सांगोल्यातल्या माळवाडी-नाझरा येथे गुरुवारी दुपारी साडेचारच्या सुमारास हा अपघात घडला.

मुख्यमंत्री एकनाथ शिंदे यांच्या वाढदिवसानिमित्ताने नाझरा येथे आरोग्य शिबीर आयोजित करण्यात आले होते. या कार्यक्रमासाठी आमदार शहाजीबापू पाटील गेले होते. हा कार्यक्रम आटपून शहाजी पाटील सांगोल्याला परतत असताना पोलिसांच्या गाडीला अपघात झाला. माहितीनुसार, पाटलांच्या संरक्षणासाठी असलेल्या पोलिसांच्या एमएच १४, डी एम ९४४० या गाडीला अपघात झाला आहे. या अपघातामध्ये एका दुचाकीस्वार विरुद्ध दिशेन येऊन धडला. त्यामुळे दुचाकीस्वाराचा जागीच मृत्यू झाला असून एकाची प्रकृती चिंताजनक आहे. या जखमी झालेल्या दुचाकीस्वारालाही तातडीने रुग्णालयात दाखल करण्यात आले आहे.

(हेही वाचा – पोटनिवडणुकीसाठी भाजपचे ४०, तर मविआचे २० स्टार प्रचारकांची फौज मैदानात उतरणार)