ओम बिर्ला (Om Birla) यांची लोकसभेच्या अध्यक्षपदी (Parliament Session) निवड झाल्यानंतर खासदारांनी त्यांचे अभिनंदन केले. त्याचवेळी लोकसभेत बुधवारी (२६ जून) आणीबाणीचा प्रस्ताव मांडण्यात आला. यादरम्यान लोकसभा अध्यक्ष ओम बिर्ला यांनी 1975 मध्ये लागू करण्यात आलेल्या आणीबाणीचा तीव्र शब्दात निषेध केला आणि काँग्रेसवर जोरदार टीका केली. यासोबतच सभागृहात दोन मिनिटे मौन पाळण्यात आले. दरम्यान, विरोधकांनी गदारोळ केला. (Parliament Session)
आणीबाणी लागू करण्याच्या निर्णयाचा तीव्र निषेध
ओम बिर्ला म्हणाले की, हे सभागृह 1975 मध्ये देशात आणीबाणी लागू करण्याच्या निर्णयाचा तीव्र निषेध करते. यासोबतच, ज्यांनी आणीबाणीला कडाडून विरोध केला, अभूतपूर्व लढा दिला आणि भारताच्या लोकशाहीच्या रक्षणाची जबाबदारी पार पाडली, अशा सर्वांच्या निर्धाराचे आम्ही कौतुक करतो. 25 जून 1975 चा तो दिवस भारताच्या इतिहासातील एक काळा अध्याय म्हणून ओळखला जाईल असे ते म्हणाले. (Parliament Session)
इंदिरा गांधींनी भारतावर हुकूमशाही लादली
या दिवशी तत्कालीन पंतप्रधान इंदिरा गांधी यांनी देशात आणीबाणी लागू करून बाबासाहेब आंबेडकरांनी बनवलेल्या राज्यघटनेवर आघात केला होता. संपूर्ण जगात लोकशाहीची जननी म्हणून भारताची ओळख आहे. लोकशाही मूल्ये आणि वादविवादांना भारतात नेहमीच प्रोत्साहन दिले गेले आहे, लोकशाही मूल्यांचे नेहमीच संरक्षण केले गेले आहे, त्यांना नेहमीच प्रोत्साहन दिले गेले आहे. अशाप्रकारे इंदिरा गांधींनी भारतावर हुकूमशाही लादली. भारतातील लोकशाही मूल्ये चिरडली गेली आणि अभिव्यक्ती स्वातंत्र्याचा गळा घोटला गेला. (Parliament Session)
आणीबाणीचा तो काळ अन्यायकारक काळ
लोकसभा अध्यक्ष म्हणाले की, आणीबाणीच्या काळात भारतातील नागरिकांचे हक्क नष्ट करण्यात आले, नागरिकांकडून त्यांचे स्वातंत्र्य हिरावून घेण्यात आले. हा तो काळ होता जेव्हा विरोधी नेत्यांना तुरुंगात टाकले गेले आणि संपूर्ण देश तुरुंगात बदलला. तत्कालीन हुकूमशाही सरकारने माध्यमांवर अनेक निर्बंध लादले होते आणि न्यायव्यवस्थेच्या स्वायत्ततेवरही अंकुश आणला होता. आणीबाणीचा तो काळ अन्यायकारक काळ होता, आपल्या देशाच्या इतिहासातील काळा काळ होता. आणीबाणी लागू झाल्यानंतर त्यावेळच्या काँग्रेस सरकारने आपल्या राज्यघटनेचा आत्मा चिरडणारे अनेक निर्णय घेतले. (Parliament Session)
ओम बिर्ला म्हणाले की, तत्कालीन पंतप्रधान इंदिरा गांधी यांनीही वचनबद्ध नोकरशाही आणि वचनबद्ध न्यायव्यवस्थेबद्दल बोलले होते, जे त्यांच्या लोकशाहीविरोधी वृत्तीचे उदाहरण आहे. आणीबाणीने गोरगरीब, दलित आणि वंचितांचे जीवन उद्ध्वस्त करणारी अशी समाजविरोधी आणि हुकूमशाही धोरणे आणली. आणीबाणीच्या काळात काँग्रेस सरकारने सक्तीने लादलेली सक्तीची नसबंदी, शहरांमधील अतिक्रमणे हटवण्याच्या नावाखाली केलेली मनमानी आणि सरकारचे डावपेच याचा फटका नागरिकांना सहन करावा लागला. हे सभागृह त्या सर्व लोकांप्रती शोक व्यक्त करू इच्छिते. (Parliament Session)
आणीबाणीच्या काळात प्राण गमावलेल्यांच्या स्मरणार्थ मौन
ओम बिर्ला यांनी आणीबाणीच्या काळात प्राण गमावलेल्यांच्या स्मरणार्थ दोन मिनिटे मौन पाळण्यास सांगितले. सत्ताधारी पक्षाच्या खासदारांनी मौन पाळले, मात्र काँग्रेस आणि विरोधी पक्षाच्या खासदारांनी गोंधळ घातला. अध्यक्ष भाजपाचा अजेंडा चालवत असल्याचा आरोप काँग्रेस खासदारांनी केला. मौन पाळल्यानंतर अध्यक्षांनी संसदेचे कामकाज गुरुवारपर्यंत तहकूब केले. (Parliament Session)
हेही पहा –
Join Our WhatsApp Community