Parliament Winter Session : …तर रविवारी पण संसद सुरु राहील; ओम बिर्लांनी विरोधकांना दिली तंबी

• प्रतिनिधी 

हिवाळी अधिवेशनामध्ये विरोधकांनी सहकार्य केले नाही तर संसदेचे कामकाज करण्यासाठी रविवारी देखील संसद चालवावी लागेल, अशा शब्दात लोकसभा अध्यक्ष ओम बिर्ला यांनी विरोधकांना चांगलीच तंबी दिली. हिवाळी अधिवेशनाच्या सहाव्या दिवशी मंगळवारी (३ डिसेंबर) संसदेत गदारोळ झाल्याने लोकसभा आणि राज्यसभेचे कामकाज दुपारी २ वाजेपर्यंत तहकूब करावे लागले. (Parliament Winter Session)

किमान आधारभूत किमतीच्या (एमएसपी) मुद्द्यावरून सभागृहातील वातावरणही तापले. केंद्रीय कृषिमंत्री शिवराजसिंह चौहान यांच्या उत्तरावर असमाधानी असलेल्या काँग्रेसच्या नेतृत्वाखालील विरोधी पक्षाच्या खासदारांनी लोकसभेतून सभात्याग केला. गेल्या आठवडाभरापासून सभागृहाचे कामकाज सुरळीत सुरू नव्हते. लोकसभा अध्यक्ष ओम बिर्ला यांनीही वारंवार तहकूब होत असल्याबद्दल नाराजी व्यक्त केली आहे. (Parliament Winter Session)

(हेही वाचा – Uttamrao Jankar हे प्यादे, खरा मास्टरमाईंड रणजितसिंह मोहिते पाटीलच; भाजपा नेते राम सातपुते यांचा हल्लाबोल)

लोकसभेचे अध्यक्ष ओम बिर्ला यांनी मंगळवारी सदस्यांना ताकीद दिली की, स्थगितीमुळे सभागृहाच्या कामकाजात आणखी व्यत्यय आल्यास त्यांना वेळेच्या नुकसानीची भरपाई करावी लागेल. प्रश्नोत्तराच्या तासानंतर लगेचच ओम बिर्ला म्हणाले की, शनिवारी, १४ डिसेंबर रोजी सकाळी ११ वाजता सभागृहाचे कामकाज सुरू होईल. तुम्ही तहकूब सुरू ठेवल्यास, तुम्हाला सभागृह किती दिवस तहकूब केले जाईल, त्यासाठी शनिवार आणि रविवारी कामकाजाला उपस्थित राहावे लागेल. आपण कोणत्याही तहकूब नोटीसला परवानगी दिली नसल्याचेही ते म्हणाले. (Parliament Winter Session)

लोकसभेतील विरोधी पक्षनेते राहुल गांधी, काँग्रेस खासदार प्रियांका गांधी वाड्रा, द्रमुकच्या खासदार कनिमोझी आणि आपचे खासदार संजय सिंह यांच्यासह अनेक नेत्यांनी अदानी प्रकरणावर चर्चेची मागणी करत संसदेच्या संकुलात निदर्शने केली. या नेत्यांच्या हातात बॅनर होते. सर्वांनी अदानी प्रकरणाची संयुक्त संसदीय समिती (जेपीसी) चौकशीची मागणी केली. अदानी प्रकरणावरून विरोधी पक्षांनी केलेला विरोध, मणिपूर आणि संभलमधील हिंसाचार यामुळे हिवाळी अधिवेशनाच्या सुरुवातीपासूनच संसदेचे कामकाज ठप्प आहे. (Parliament Winter Session)

हेही पहा –