- प्रतिनिधी
पंतप्रधान नरेंद्र मोदी (PM Narendra Modi) बुधवारी मुंबई दौऱ्यावर आले होते. त्यांच्या दौऱ्यात नौदल डॉकयार्ड येथे INS सुरत, INS निलगिरी आणि INS वाघशीर या तीन प्रमुख युद्धनौकांचे राष्ट्राला समर्पण करण्यात आले. त्यानंतर, पंतप्रधान मोदी यांनी इस्कॉन मंदिराचे उद्घाटन केले आणि महायुतीतील आमदारांची बैठक घेतली.
या बैठकीला राष्ट्रवादी काँग्रेसचे १० आमदार उपस्थित राहिले नाहीत. यामध्ये दिलीप वळसे पाटील, छगन भुजबळ, सरोज अहिरे, राजू नवघरे, धनंजय मुंडे, प्रकाश सोळंके, इद्रीस नाईकवडी यांचा समावेश आहे. या बैठकीला अनुपस्थित राहिलेल्या आमदारांच्या अनुपस्थितीवर चर्चेला उधाण आले आहे.
(हेही वाचा – Dr. Ambedkar यांनी ३ जानेवारी १९४० मध्ये संघ कार्यालयाला दिली होती भेट; पुरावे आले समोर)
बैठकीत पंतप्रधान नरेंद्र मोदी (PM Narendra Modi) यांनी सर्व आमदारांना विकासाचा कानमंत्र दिला. तसेच, राजकीय जीवनातील आव्हाने, लोकांचे प्रश्न कसे सोडवायचे याबाबत मार्गदर्शन केले. शिवसेना आमदार दीपक केसरकर यांच्या मते, मोदींनी कोणतेही खडे बोल न करता सर्वांचे प्रबोधन केले आणि सखोल चर्चा केली.
पंतप्रधान मोदींच्या (PM Narendra Modi) बैठकीला का अनुपस्थित राहिले हे निश्चित करणे कठीण आहे, असे दीपक केसरकर यांनी सांगितले. पंतप्रधानांनी विरोधकांबाबत काहीही उल्लेख केला नाही, असे ते म्हणाले.
हेही पहा –
Join Our WhatsApp Community