अयोध्येत सुरू असलेल्या रामलला प्राणप्रतिष्ठा सोहळ्याच्या तयारी दरम्यान गृहमंत्री अमित शाह (Amit Shah) म्हणाले की, 550 वर्षांच्या संघर्षांनंतर प्रभू राम घरी परतणार आहेत. ही भारतासाठी अभिमानाची बाब आहे. आसाममध्ये शनिवारी, 20 जानेवारी रोजी एका रॅलीला संबोधित करताना ते म्हणाले की, पंतप्रधान नरेंद्र मोदी यांची ईशान्येत शांतता आणि विकासाची मोहीम यशस्वी झाली आहे.
येथील ऑल बथौ महासभेच्या 13 व्या त्रैवार्षिक परिषदेला संबोधित करताना केंद्रीय गृहमंत्र्यांनी (Amit Shah) आरोप केला की, समस्यांपासून लक्ष हटवण्याच्या आणि सत्तेचा उपभोग घेण्याच्या काँग्रेसच्या धोरणामुळे या प्रदेशात, विशेषत: बोडोलँडमध्ये हजारो लोकांचा मृत्यू झाला आहे.
‘बोडोलँड हिंसाचारापासून मुक्त’
अमित शाह (Amit Shah) म्हणाले, जेव्हा मी गृहमंत्री झालो तेव्हा बोडो चळवळ चालू होती आणि मी ईशान्येतील सर्वात मोठ्या समुदायांपैकी एकाच्या समस्या आणि मागण्या समजून घेण्याचा प्रयत्न केला. पंतप्रधानांनीही याकडे नव्या दृष्टिकोनातून पाहिले आणि समस्या सोडवली, त्यामुळे आज बोडोलँड बॉम्बस्फोट, गोळीबार आणि हिंसाचारापासून मुक्त झाला आहे. शाह म्हणाले की, बोडोलँडमध्ये गेल्या तीन वर्षांत हिंसाचाराची एकही घटना घडली नाही आणि विकासाच्या मार्गावर चालत एक नवीन कथा लिहित आहे.
Join Our WhatsApp Community