प्राणकोट नरसंहार : आजही जम्मू-काश्मीरमध्ये हिंदूंच्या हत्या सुरूच

17 एप्रिल 1998 रोजी जम्मूच्या उधमपूर जिल्ह्यातील प्रणकोट येथे एका काश्मिरी हिंदू कुटुंबातील 26 जणांची गोळ्या झाडून हत्या करण्यात आली होती. मृतांमध्ये 11 मुलांचाही समावेश होता. या हत्याकांडानंतर हिंदूंचे मोठ्या प्रमाणावर स्थलांतर झाले. या घटनेनंतर पौनी आणि रियासी येथील 1000 हिंदूंनी स्थलांतर केल्याचे सांगितले जाते.

अंकुर शर्मा यांनी केले ट्विट 

इक्कजूट जम्मू पार्टीचे प्रमुख अंकुर शर्मा यांनी हृदय पिळवटून टाकणाऱ्या हत्याकांडाची आठवण करून ट्विट केले आहे. जम्मू-काश्मीरमध्ये सातत्याने होत असलेल्या हिंदूंच्या हत्याकांडासाठी त्यांनी केंद्र सरकारला जबाबदार धरले आहे. त्यांनी आपल्या ट्विटमध्ये लिहिले की, भारत सरकारने जम्मू आणि काश्मीरमधील हिंदू आणि शिखांच्या सामूहिक हत्येला नरसंहार घोषित करण्यास अधिकृतपणे नकार दिला आहे. याचे कारण सरकारचे लांगूलचालन धोरण कारणीभूत आहे. आजही हिंदू नरसंहार अव्याहतपणे सुरू असल्याचा दावा शर्मा यांनी केला आहे. त्याचा शेवटचा बळी कुलगामचा सतीश सिंग होता.

17.04.1998: 26 Hindus beheaded in Prankote (Reasi;Jammu) by Jihadists.

State of India refused to notify Hindu/Sikh cleansing in J&K officially as “Genocide”.

Reason: Muslim Veto; They didn’t allow.

Effect: Hindu Genocide is on & unabated.

Last Victim: Satish Singh (Kulgam) pic.twitter.com/iSdeqOA7AX

— Ankur Sharma (@AnkurSharma_Adv) April 17, 2022

(हेही वाचा राऊतांना कामधंदा नाही, त्यांच्यावर काय बोलायचे? फडणवीसांनी केले दुर्लक्ष)

‘द काश्मीर फाईल्स’ या चित्रपटानंतर पुन्हा एकदा काश्मिरी पंडितांवर झालेल्या अत्याचाराची चर्चा रंगली आहे. त्याच्या जखमा पुन्हा एकदा हिरव्या झाल्या आहेत. काश्मीरसोबतच जम्मूमध्येही अशा अनेक घटना घडल्या आहेत. या राज्यात (आता केंद्रशासित प्रदेश) दहशतवाद्यांकडून निष्पाप लोकांच्या कत्तलीची प्रक्रिया १९९० पासून सुरू झाली. 1993 मध्ये डोडा जिल्ह्यात बसमधून खाली उतरून 17 हिंदू प्रवाशांची हत्या करण्यात आली होती. त्यानंतर हा ट्रेंड कायम राहणार असल्याचा दावा अंकुर शर्मा यांनी केला आहे.