महाराष्ट्रातील विधानसभा निवडणुका (Maharashtra Vidhan Sabha election 2024) जसजशी जवळ येत आहेत, तसतशी राजकीय वर्तुळात खळबळ पाहायला मिळत आहे. अलीकडच्या काळात अनेक नेते पक्षपातळीवरून एकमेकांना भेटताना दिसत आहेत, त्यामुळे अनेक तर्कवितर्क लावले जात आहेत. आपल्या पक्षाला संदेश देण्यासाठी किंवा भविष्यातील राजकीय (Political Party) शक्यता पडताळून पाहण्यासाठी नेते अशा बैठका घेत असल्याचे जाणकारांचे मत आहे. दरम्यान, राष्टवादी शरदचंद्र पवार गटाचे अध्यक्ष शरद पवार (Sharad Pawar) यांनी मुख्यमंत्री एकनाथ शिंदे यांची वर्षा बंगल्यावर भेट घेतली. दोघांमध्ये काय संभाषण झाले याबाबत अद्याप कोणतीही माहिती समोर आलेली नाही. शरद पवार यांच्या आधी मनसे अध्यक्ष राज ठाकरे (Raj Thackeray) यांनीही मुख्यमंत्री एकनाथ शिंदे यांची भेट घेतली होती. (Sharad Pawar)
मुख्यमंत्री एकनाथ शिंदे (CM Eknath Shinde) यांनी शरद पवार यांचं पुष्पगुच्छ देऊन स्वागत केले. शनिवारी मुख्यमंत्री शिंदे यांची पाठोपाठ दोन बड्या नेत्यांनी भेट घेतली आहे. शरद पवार या भेटीत मराठा आरक्षणासह राज्यातील अन्य विषयावर चर्चा करतील असं बोललं जात आहे. शरद पवार हे दुपारी २ वाजता वर्षा निवासस्थानी दाखल झाले आहेत. या भेटीत मराठा आरक्षणासह विविध मुद्द्यांवर चर्चा केली जाण्याची शक्यता वर्तवली जात आहे. आठवड्याभरात ही दुसरी भेट आहे. या आधी २२ जुलैला भेट घेतली होती. तसेच शरद पवार यांनी २२ जुलै दिवशी घेतलेल्या भेटीत मराठा आणि ओबीसी आरक्षणाचा (Maratha obc reservation) विषय होता. यासोबतच दूध दराचाही प्रश्न, विरोधी पक्षातील नेत्यांच्या कारखान्याला कर्ज न देणे हा विषय होता. शरद पवार मुख्यमंत्री भेटीत कुणाच्या ही कारखान्यावर अन्याय होणार नाही असं आश्वासन दिलं होतं. दरम्यान, आता शनिवारच्या भेट नेमकी कोणत्या कारणासाठी आहे याची माहिती अजूनही समोर आलेली नाही. (Sharad Pawar)
(हेही वाचा – Paris Olympic 2024 : पॅरिसमधील उष्णतेचा सामना करण्यासाठी ऑलिम्पिक व्हिलेजमध्ये आयओए बसवणार ४० वातानुकूलन यंत्र )
नेत्यांनी पक्षपातळीवर एकमेकांना भेटल्याच्या किमान पाच घटना घडल्या
आधीच गुंतागुंतीच्या राजकीय परिस्थितीला आणखी गुंतागुंतीचे बनवत आहेत. गेल्या महिनाभरात, नेत्यांनी पक्षपातळीवर एकमेकांना भेटल्याच्या किमान पाच घटना घडल्या आहेत, ज्यांनी आपापल्या पक्षातील लोकांमध्ये प्रश्न उपस्थित केला आहे की, ही काही मोठ्या बदलाची चिन्हे आहेत का? राजकीय समालोचक हेमंत देसाई यांनी एका इंग्रजी वृत्तपत्राला दिलेल्या मुलाखतीत म्हटले आहे की, अलीकडेपर्यंत महाराष्ट्राची राजकीय संस्कृती अशी होती की अगदी कट्टर राजकीय प्रतिस्पर्ध्यांनाही वैयक्तिक कार्यक्रमात किंवा सौजन्याने भेटणे स्वाभाविक होते. गेल्या चार-पाच वर्षांत यात बदल झाला आहे. दोन पक्ष फुटले आहेत. तेथे बरीच अस्थिरता आणि पक्षांतराला वाव आहे. त्यामुळे आता साध्या सभांनाही नवे महत्त्व प्राप्त झाले आहे. (Sharad Pawar)
हेही वाचा –
youtube.com/watch?v=Z6xLpwE5Xm4
Join Our WhatsApp Community