रामनवमीच्या (Ram Navami) शुभ मुहूर्तावर अयोध्येतील राम मंदिर भाविकांनी फुलले आहे. भाविक मंदीरात जाण्यापूर्वी शरयू नदीत स्नान करत आहेत. भगवान रामाच्या जन्माचे स्मरण करण्यासाठी दरवर्षी चैत्र नवरात्रीच्या शेवटच्या दिवशी रामनवमी साजरी केली जाते. रामनवमीनिमित्त अयोध्येतील रामजन्मभूमी मंदिर आकर्षक फुलांनी आणि आकर्षक रोषणाईने सजवण्यात आले आहे. (Ram Navami)
श्रीरामाचा सूर्यटिळक
अयोध्येत रामनवमीनिमित्त (Ram Navami) श्रीरामाचा सूर्यटिळक होणार आहे, ज्याची लोक वाट पाहत आहेत. दुपारी १२ वाजता रामलल्लाच्या कपाळावर सूर्यटिळक लावला जाईल. श्री रामजन्मभूमी तीर्थ क्षेत्राने सोशल मीडिया प्लॅटफॉर्म X वर ही माहिती दिली. आज २०-३० लाख भाविक अयोध्येत पोहोचतील अशी अपेक्षा आहे. याबाबत प्रशासनाने कडक सुरक्षा आणि वाहतूक व्यवस्था केली आहे. सूर्य टिळक ही एक धार्मिक आणि प्रतीकात्मक परंपरा आहे. पुराणात याचा उल्लेख आहे. यानुसार, त्रेता युगात जन्मलेले भगवान श्रीराम सूर्यवंशी होते. यामुळेच त्यांना सूर्यटिळक देण्याची परंपरा सुरू आहे. या काळात, सूर्यदेव स्वतः भगवान रामाच्या कपाळावर सूर्यटिळक लावताना दिसतात. हे भगवान श्री रामांवरील श्रद्धा आणि भक्तीचे प्रतीक असल्याचे म्हटले जाते. (Ram Navami)
जय श्री राम!
श्रीराम जन्मभूमि मन्दिर मे श्री राम नवमी का उत्सव चैत्र शुक्ल नवमी, विक्रमी संवत् २०८१ तदानुसार 6 अप्रैल २०२५ को अद्भुत दिव्यता एवं गरिमामयी भव्यता के साथ मनाया जाएगा। कार्यक्रम की जानकारी संलग्न है।
Jai Shri Ram!
The festival of Shri Ram Navami at Shri Ram… pic.twitter.com/dfmDhsEGVb
— Shri Ram Janmbhoomi Teerth Kshetra (@ShriRamTeerth) March 17, 2025
उत्तर प्रदेशातील सर्व जिल्ह्यांमध्ये श्री रामचरितमानसाचे अखंड पठण
उत्तर प्रदेशचे मुख्यमंत्री आणि गोरक्षपीठाधीश्वर योगी आदित्यनाथ यांच्या सूचनेनुसार, चैत्र नवरात्रीच्या अष्टमी तारखेपासून (शनिवार) राज्यातील सर्व जिल्ह्यांमध्ये श्री रामचरितमानसचे अखंड पठण सुरू आहे. त्याचा समारोप रविवारी होईल. एका अधिकृत निवेदनानुसार, शनिवारी दुपारी सुरू झालेला अखंड मानस पाठ रविवारी, श्री राम नवमीच्या दिवशी दुपारी १२ वाजता अयोध्येतील श्री राम जन्मभूमी मंदिरात श्री राम लल्ला यांच्या सूर्य तिलकाने पूर्ण होईल. (Ram Navami)
रामजन्मभुमी २ लाख दिव्यांनी उजळणार
यंदा रामनवमीला अयोध्येत दोन लाखांहून अधिक दिवे लावले जाणार असून रामकथा पार्कसमोरील घाट तसेच अन्य ठिकाणी यासाठी व्यवस्था असेल. रामकथा पार्कमध्ये विविध सांस्कृतिक कार्यक्रमांचे आयोजन करण्यात आले आहे. रविवारी साजऱ्या होत असलेल्या रामनवमीनिमित्त वाहतूक तसेच सुरक्षा व्यवस्था चोख ठेवण्यात आली असून, भाविकांची गैरसोय होऊ नये म्हणून अवजड वाहने पूर्वाचल एक्स्प्रेस-वेवरून पाठविली जातील. (Ram Navami)
ठिकठिकाणी थंड पाणी
सुरक्षा व्यवस्थेत विशेष पोलिस पथक तसेच सोबत निमलष्करी दलाच्या तुकड्या तैनात आहेत. शरयू नदीच्या किनारी पोलिस, राष्ट्रीय आपत्ती निवारण पथके आणि राज्य आपत्ती निवारण पथकांना सज्ज ठेवले आहे. राममंदिर आणि हनुमानगढीसह सर्व प्रमुख स्थळांवर सावली आणि आराम करता यावा यासाठी व्यवस्था असेल. सर्व प्रमुख ठिकाणी पिण्यासाठी थंड पाणी उपलब्ध असेल. या उत्सवादरम्यान विविध ठिकाणी तात्पुरती आरोग्य केंद्रे असतील. या ठिकाणी ओआरएसची व्यवस्था करण्यात आली आहे. राममंदिरात दर्शनासाठी देण्यात आलेले विशेष पास सकाळी ९ ते १२ या काळात रद्द असतील. या काळात सामान्य भक्तांना दर्शनाचा लाभ घेता यावा म्हणून प्राधान्य दिले जाणार आहे. (Ram Navami)
हेही पहा-
Join Our WhatsApp Community