-
खास प्रतिनिधी
पुण्याच्या कसबा पेठचे माजी आमदार रवींद्र धंगेकर (Ravindra Dhangekar) यांनी नुकताच शिवसेनेत (एकनाथ शिंदे) प्रवेश केला आणि विधान परिषदेची एक रिक्त जागा भरण्यासाठी पक्षाला एक उमेदवार मिळाला, अशी चर्चा राजकीय वर्तुळात होत आहे. धंगेकर यांच्या प्रवेशाने शिवसेनेची पुण्यात ताकद निश्चितच वाढली असून विधानपरिषदेसाठी धंगेकर तसेच पक्षाचे प्रवक्ते राजू वाघमारे हेदेखील प्रयत्नशील असल्याचे समजते.
निवडणूक २७ मार्चला
विधानपरिषदेतील ५ आमदार, आमशा पाडवी (शिवसेना-शिंदे), राजेश विटेकर (राष्ट्रवादी अजित पवार), प्रवीण दटके (भाजपा), गोपीचंद पडळकर (भाजपा) आणि रमेश कराड (भाजपा) हे विधानसभेवर निवडून गेले. त्यामुळे या पाच जागा विधान परिषदेत रिक्त झाल्या आहेत आणि २७ मार्चला त्या जागा भरण्यासाठी निवडणूक जाहीर झाली आहे.
(हेही वाचा – Holi ला धर्मांधांनी केला हिंदूंवर हल्ला; अमित मालवीय म्हणाले, पश्चिम बंगालचा बांगलादेश…)
उमेदवारीसाठी सोमवार अंतिम मुदत
निवडणूक आयोगाने दिलेल्या कार्यक्रमानुसार विधानपरिषद निवडणुकीसाठी १० मार्च ते १७ मार्च दरम्यान अर्ज भरण्याची प्रक्रिया पार पाडण्यात येईल तर मंगळवारी १८ मार्च रोजी अर्जाची छाननी होईल. २० मार्चला अर्ज मागे घेण्याचा शेवटचा दिवस असेल आणि २७ मार्च या दिवशी मतदान प्रक्रिया पार पडेल.
किमान ५७ मतांची गरज
या निवडणुकीत विधानसभेचे आमदार मतदान करतात. विधानसभेत २८८ पैकी जेमतेम ४८ आमदार महाविकास आघाडीचे असून उर्वरित महायुतीचे असल्याने सर्व पाच उमेदवार महायुतीचे निवडून येतील यात शंका नाही. एका उमेदवाराला निवडून येण्यासाठी किमान ५७ मतांची गरज आहे. (Ravindra Dhangekar)
(हेही वाचा – “संजय राऊत रोजच नशेत वक्तव्य करतात”; Naresh Mhaske यांचा घणाघात)
विधान परिषदेतील पक्षनिहाय संख्याबळ
विधानपरिषदेत एकूण ७८ सदस्य असतात, मात्र सध्या ५२ सदस्यच सभागृहात आहेत. त्यापैकी ३२ महायुतीचे असून त्यात भाजपाचे १९, शिवसेना (शिंदे) ६ आणि अजित पवार यांच्या राष्ट्रवादीचे ७ आमदार आहेत. तर दुसरीकडे महाविकास आघाडीचे केवळ १७ आमदार असून काँग्रेसचे ७, राष्ट्रवादी (शप) ३ आणि शिवसेना उबाठाचे ७ न ३ अपक्ष सदस्य आहेत.
हेही पहा –
Join Our WhatsApp Community