सच कहना अगर बगावत है तो समझो हम भी बागी हैं! नुपूर शर्मांना साध्वी प्रज्ञा सिंह यांचे समर्थन

आपल्या विधानांमुळे कायम चर्चेत असलेल्या भारतीय जनता पक्षाच्या खासदार साध्वी प्रज्ञा सिंह ठाकूर पुन्हा एकदा चर्चेत आल्या आहेत. यावेळी त्यांनी भाजपमधून निलंबित करण्यात आलेल्या नुपूर शर्मा यांच्या समर्थनार्थ वक्तव्य केले आहे. साध्वी प्रज्ञा सिंह ठाकूर यांनी म्हटले आहे की, खरे बोलणे हे बंड असेल तर समजून घ्या की आम्हीही बंडखोर आहोत.

प्रज्ञा सिंह यांनी ट्वीट करत म्हटले की, ”सच कहना अगर बगावत है तो समझो हम भी बागी हैं. जय सनातन, जय हिंदुत्व…” या ट्विट नंतर साध्वी प्रज्ञा या नूपुर शर्मा यांच्या बाजूने जाहीरपणे समर्थनार्थ बोलल्या. तुम्ही आमचे वास्तव सांगा, आम्ही ते मान्य करतो. पण आम्ही तुम्हाला तुमचे वास्तव सांगत आहोत, मग कशाला त्रास? म्हणजे इतिहास कुठेतरी घाणेरडा आहे. पाखंडी लोकांनी हे नेहमीच केले आहे. साध्वी प्रज्ञा म्हणाल्या की, ते आपल्या देवी-देवतांवर चित्रपट बनवतात, दिग्दर्शित करतात, निर्मिती करतात आणि शिव्या देतात. त्यांचा संपूर्ण इतिहास आहे.

साध्वी प्रज्ञा म्हणाल्या की, हा भारत आहे. हा देश हिंदूंचा आहे. इथे सनातन जिवंत असेल आणि सनातन जिवंत ठेवण्याची जबाबदारी आपली आहे आणि ती आपण पार पाडू. जे निधर्मी आहेत, त्यांना त्यांची मानसिकता सर्वत्र उघड करायची आहे. पण सनातनी स्वतःचा धर्म स्थापन करतो जो मानवहितासाठी आहे.