“…तर बुधवारपर्यंत मी राजीनामा देईन”, असं का म्हणाले अब्दुल सत्तार?

मुख्यमंत्री एकनाथ शिंदे यांनी परवानगी देताच, मी राजीनामा देण्यासाठी तयार आहे. मात्र चंद्रकांत खैरे आणि आदित्य ठाकरे यांनी माझ्याविरुद्ध निवडणूक लढवून सिल्लोडमधून विजयी होऊन दाखवावे, असे आव्हान अब्दुल सत्तार यांनी केले आहे. ते औरंगाबाद येथे माध्यमांशी बोलत होते.

सत्तारांचा ठाकरेंना टोला

अब्दुल सत्तार आणि हिंदुत्व यांचा संबंध काय? या प्रश्नाला उत्तर देताना सत्तार म्हणाले की, जेव्हा मी उद्धव ठाकरेंच्या पक्षात होतो तेव्हा त्यांना मी हिंदुत्ववादी वाटत होतो. आता पक्ष सोडला म्हणून लगेच त्यांच्यादृष्टीने वाईट झालो का? असा टोलादेखील सत्तार यांनी यावेळी लगावला.