हिंगोली लोकसभा मतदारसंघात शिवसेनेकडून हेमंत पाटील यांचा पत्ता कट करण्यात आला आहे. हिंगोलीतून उमेदवार बदलून आता बाबूराव कदम (Baburao Kadam) यांना उमेदवारी देण्यात आली आहे. हिंगोलीतून उमेदवार बदलण्याविषयी मोठ्या प्रमाणात चर्चा चालू होती. पहिल्या यादीमध्ये हेमंत पाटील यांना उमेदवारी जाहीर करण्यात आल्यानंतर हिंगोलीमध्ये कमालीचा रोष निर्माण झाला होता. या सर्व पार्श्वभूमीवर आता एकनाथ शिंदे यांना हेमंत पाटील (Hemant Patil) यांची उमेदवारी रद्द करावी लागली आहे.
(हेही वाचा – Allahabad Court: सरसकट शस्त्रे जमा करणे अधिकाऱ्यांना पडले महागात)
भावना गवळी यांना उमेदवारी नाही
गेल्या काही दिवसांपासून चर्चेचा मुद्दा झालेल्या यवतमाळ वाशिम लोकसभा मतदारसंघातून भावना गवळी (Bhavna Gawli) यांना सुद्धा उमेदवारी देण्यात आलेली नाही. या ठिकाणी हेमंत पाटील यांच्या पत्नी राजश्री पाटील (Rajshree Patil) यांना उमेदवारी जाहीर करण्यात आली आहे. भावना गवळी यांनी यापूर्वी देवेंद्र फडणवीस, मुख्यमंत्री एकनाथ शिंदे यांची भेट घेतली होती. तरीही येथे राजश्री पाटील यांना उमेदवारी देण्यात आलेली आहे.
लोकसभा निवडणुकीच्या जागावाटपावरून गेले अनेक आठवडे चर्चा आणि बैठका चालू आहेत.
हेही पहा –
Join Our WhatsApp Community