नागपुरातील मैदानांच्या विकासासाठी राज्य शासनाकडून १५० कोटी देणार ; CM Devendra Fadnavis यांची घोषणा

खासदार क्रीडा महोत्सवाच्या आयोजनातून नागपूर (Nagpur) शहराची क्रीडा क्षेत्रातील वाटचाल गतीने सुरू आहे. शहरात ७०० कोटींच्या खर्चातून मानकापूर क्रीडा संकुलाच्या पुनर्निमाणाद्वारे आंतरराष्ट्रीय दर्जाच्या क्रीडा सुविधा येत्या दोन वर्षात उपलब्ध होणार आहेत. स्थानिक खेळाडुंना सरावासाठी केंद्रीय मंत्री नितीन गडकरी (Nitin Gadkari) यांच्या मार्गदर्शनाखाली शहरातील छोट्या मैदानांचा विकास करण्यात येईल व यासाठी महाराष्ट्र शासनाच्यावतीने १५० कोटींचा निधी देण्यात येईल, असे प्रतिपादन मुख्यमंत्री देवेंद्र फडणवीस (CM Devendra Fadnavis) यांनी केले आहे.

‘खासदार क्रीडा महोत्सव’च्या माध्यमातून खेळाडूंना एक उत्तम व्यासपीठ उपलब्ध करून दिल्याबद्दल, मा. नितिनजी यांचे आभार.
मा. नितिन जी का ‘खासदार क्रीडा महोत्सव’ के माध्यम से खिलाड़ियों को शानदार मंच उपलब्ध कराने के लिए आभार।

(खासदार क्रीडा महोत्सव 2025 समारोप कार्यक्रम | नागपुर |… pic.twitter.com/MMOZdpFSMH

— Devendra Fadnavis (@Dev_Fadnavis) February 2, 2025

येथील यशवंत स्टेडियमवर (Yashwant Stadium) आयोजित खासदार क्रीडा महोत्सवाच्या समारोपाचे मुख्य अतिथी म्हणून मुख्यमंत्री फडणवीस बोलत होते. केंद्रीय रस्ते वाहतूक व महामार्ग मंत्री नितीन गडकरी, आमदार प्रवीण दटके, माजी खासदार डॉ. विकास महात्मे, महोत्सवाचे संयोजक संदीप जोशी, अर्जुन पुरस्कार प्राप्त दिव्यांग खेळाडू शितल देवी, क्रिकेटपटू मोहित शर्मा आदी उपस्थित होते. (CM Devendra Fadnavis)

‘खासदार क्रीडा महोत्सव, खेळाडूंसाठी एक उत्तम व्यासपीठ’

मुख्यमंत्री देवेंद्र फडणवीस यांनी यशवंत स्टेडियम, धंतोली, नागपूर येथे ‘खासदार क्रीडा महोत्सव – 2025’ समारोप कार्यक्रमात संबोधित केले. तत्पूर्वी स्पर्धेतील विजेत्या खेळाडूंना तसेच उत्कृष्ट प्रशिक्षकांना मुख्यमंत्री… pic.twitter.com/OMpmTjvt3m

— CMO Maharashtra (@CMOMaharashtra) February 2, 2025

मुख्यमंत्री फडणवीस म्हणाले, केंद्रीय मंत्री नितीन गडकरी यांनी खासदार क्रीडा महोत्सवाच्या माध्यमातून नागपूर व विदर्भातील खेळाडुंना मोठी संधी उपलब्ध करून दिली आहे. ५८ क्रीडा प्रकारात विजेत्यांना १२ हजारांवर पदक प्रदान करण्यात आली आहे. ही अभिमानास्पद बाब असल्याचे त्यांनी सांगितले. खासदार सांस्कृतिक महोत्सव व क्रीडा महोत्सवातून विदर्भातील गुणवान कलाकार व खेळाडू पुढे येत आहेत. यातून विदर्भ व नागपूरचे नाव राष्ट्रीय व आंतरराष्ट्रीय स्तरावर पोहचवणारे कलाकार व खेळाडू घडतील. शहरात ऑलिम्पीकसह आंतरराष्ट्रीय स्पर्धांमध्ये सहभागी होण्याच्या दृष्टीने आवश्यक सर्व क्रीडा सुविधा उपलब्ध करून देण्यासाठी राज्य शासनाने ७०० कोटींच्या निधीतून मानकापूर विभागीय क्रीडा संकुलाच्या पुनर्निमाणाचे कार्य सुरु असल्याचेही त्यांनी सांगितले. (CM Devendra Fadnavis)

हेही वाचा-Mahakumbh 2025: महाकुंभमेळ्यातील तिसऱ्या अमृतस्नानाला सुरूवात ; संगमावर पवित्र स्नानासाठी भाविकांची अलोट गर्दी

केंद्रीय मंत्री गडकरी म्हणाले, गत सात वर्षांपासून खासदार क्रीडा महोत्सवाचे आयोजन करण्यात येत असून खेळाडुंना संधी उपलब्ध करून देणे, त्यांचा व्यक्तीमत्व विकास साधणे व नैतृत्वही घडवणे हा या मागील मुख्य उद्देश आहे. मुख्यमंत्री देवेंद्र फडणवीस यांनी शहरातील क्रीडा मैदानाच्या विकासासाठी यापूर्वी १०० कोटींचा निधी दिला आहे. अजुनही छोट्या मैदानांच्या विकासासाठी राज्य शासनाकडून निधी उपलब्ध व्हावा, अशी अपेक्षा त्यांनी व्यक्त केली. (CM Devendra Fadnavis)

हेही पहा-