-
प्रतिनिधी
महाराष्ट्रातील आगामी निवडणुकांच्या पार्श्वभूमीवर भाजपाने (BJP) संघटन पर्व सुरू केले असून, पक्षाचे प्रदेशाध्यक्ष चंद्रशेखर बावनकुळे आणि कार्यकारी अध्यक्ष रवींद्र चव्हाण गुरुवारपासून राज्यभर दौरा करणार आहेत. हा दौरा १३ ते १८ फेब्रुवारी दरम्यान होणार असून, भाजपाच्या संघटन बळकटीसाठी महत्त्वपूर्ण मानला जात आहे.
संघटना मजबूत करण्यावर भर
या दौऱ्यात भाजपाच्या (BJP) सक्रीय सदस्य नोंदणी मोहिमेवर विशेष लक्ष केंद्रित केले जाणार आहे. स्थानिक कार्यकर्त्यांसोबत बैठक घेत पक्षाची गढी अधिक मजबूत करण्यासाठी प्रदेशाध्यक्ष आणि कार्यकारी अध्यक्ष विशेष रणनीती आखणार आहेत.
(हेही वाचा – ३१ मार्चला सर्व बँका सुरू राहणार; RBI चा निर्णय)
दौऱ्याचा मुख्य उद्देश :
- राज्यातील प्रमुख जिल्ह्यांचा दौरा आणि संघटनात्मक आढावा.
- स्थानिक पदाधिकाऱ्यांसोबत बैठक व पुढील रणनीतीची आखणी.
- सक्रिय सदस्य नोंदणी मोहिमेला गती देणे.
- तालुका, जिल्हा आणि बूथ पातळीवरील पक्षबांधणी मजबूत करणे.
(हेही वाचा – Virat Kohli : विराट कोहलीच्या इंग्लंडविरुद्ध ४,००० आंतरराष्ट्रीय धावा पूर्ण, सचिनला टाकलं मागे)
राजकीय रणनीती मजबूत करण्याचा प्रयत्न
या दौऱ्यात प्रदेशाध्यक्ष बावनकुळे आणि कार्यकारी अध्यक्ष चव्हाण कार्यकर्त्यांना आगामी निवडणुकांसाठी सज्ज करण्यावर भर देणार आहेत. पक्षाची ताकद वाढवण्यासाठी बूथ पातळीपासून पक्षबांधणी केली जाणार आहे.
भाजपाच्या (BJP) या दौऱ्यामुळे राज्याच्या राजकीय समीकरणांवर परिणाम होण्याची शक्यता असून, पक्ष आगामी निवडणुकांसाठी कशा प्रकारे तयारी करत आहे, याचा अंदाज या दौऱ्यातून स्पष्ट होईल.
हेही पहा –
Join Our WhatsApp Community