उत्तर प्रदेशातील (UP) संभल जिल्ह्यातील जामा मशिदीचे (Jama Masjid) सर्वेक्षण करण्यासाठी आलेल्या ASI पथकावर दगडफेक करण्यात आली आहे. परिस्थिती नियंत्रणात आणण्यासाठी पोलिसांनी लाठीचार्ज आणि अश्रुधुराच्या नळकांड्यांचा वापर केला. परिसरात मोठ्या प्रमाणात पोलीस बंदोबस्त तैनात आहे. जिल्ह्यात कलम 144 लागू करण्यात आले आहे.
#WATCH | Uttar Pradesh: Vehicles set on fire in Sambhal where an incident of stone pelting took place when a survey team arrived at the Shahi Jama Masjid to conduct a survey of the mosque. Police used tear gas to control the situation. pic.twitter.com/QUJE7X4hN4
— ANI (@ANI) November 24, 2024
पोलिस अधीक्षक कृष्ण कुमार यांनी सांगितले की, जामा मशिदीच्या (Jama Masjid) सर्वेक्षणाचे काम सुरू आहे. रविवारी सकाळी एएसआय पथकासह पोलिस पथक पाहणीसाठी आले असता जमावाने त्यांच्यावर दगडफेक केली. पथकाने दगडफेकीपासून वाचवण्याचा प्रयत्न केला, मात्र जमावाने मोठ्या संख्येने घेराव घातला.
पोलिसांनी अश्रुधुराच्या नळकांड्या सोडल्या
पोलिसांनी सौम्य बळाचा वापर करून जमावाला पांगवण्याचा प्रयत्न केला, मात्र जमाव हिंसक झाला. यावेळी जमावाने प्रशासकीय अधिकाऱ्यांच्या वाहनांची तोडफोड केली. पोलिसांनी अश्रुधुराच्या नळकांड्या सोडल्या. त्यानंतर जमाव पांगवता आला. (Jama Masjid)
मोठ्या संख्येने पोलिस दल
पथकाने सर्वेक्षणाचे काम सध्या थांबवले आहे. मशिदीबाहेर मोठ्या प्रमाणात पोलीस बंदोबस्त तैनात करण्यात आला आहे. सोशल मीडियावरही पोलिसांची नजर आहे. (Jama Masjid)
कलम 144 लागू
एसपी म्हणाले की, यापूर्वी जिल्ह्यात कलम 144 लागू करण्यात आले होते. लोकांवर नजर ठेवली जात आहे. आता परिस्थिती सामान्य आहे. मिळालेल्या माहितीनुसार, पाहणीसाठी टीम 7.30 वाजता मशिदीत पोहोचली होती, काही वेळाने जमाव आला आणि घोषणाबाजी करू लागला. यानंतर टीमने त्यांना समजावून सांगितले आणि नंतर आत गेले. यानंतर जमावाने पुन्हा आवाज करत दगडफेक सुरू केली.
On the stone pelting incident in Sambhal, DGP UP Prashant Kumar says “A survey is being conducted in Sambhal on the orders of the court. Some anti-social elements have pelted stones. Police and senior officers are present on the spot. The situation is under control, the police… https://t.co/2kGeeR8FKl pic.twitter.com/WNBnyOPPpL
— ANI UP/Uttarakhand (@ANINewsUP) November 24, 2024
संभल मशिदीचे सर्वेक्षण करण्याचे आदेश
5 दिवसांत दुसऱ्यांदा जामा मशिदीचे (Jama Masjid) सर्वेक्षण करण्यासाठी प्रशासनाचे पथक रविवारी दाखल झाले होते. टीममध्ये हिंदू बाजूचे वकील, डीएम-एसपी, एसडीएम यांच्यासह सरकारी वकील मशिदीच्या आत गेले. सुरक्षेच्या दृष्टीने पीएसी-आरआरएफची टीम आधीच तैनात करण्यात आली होती. टीमसोबत हिंदू पक्षाचे वकील विष्णू शंकर जैन, सरकारी वकील प्रिन्स शर्मा, डीएम डॉ. राजेंद्र पानसिया, एसपी कृष्णा बिश्नोई हेही आत गेले. वास्तविक, संभलच्या शाही जामा मशिदीला श्री हरिहर मंदिराचा दर्जा देण्याबाबत हिंदू पक्षाच्या याचिकेवर 19 नोव्हेंबर रोजी न्यायालयात सुनावणी झाली. मशिदीचे सर्वेक्षण करून आठवडाभरात अहवाल सादर करण्याचे आदेश न्यायालयाने दिले. प्रशासनाने २६ नोव्हेंबरला अहवाल सादर करायचा आहे. यावर २९ नोव्हेंबरला सुनावणी होणार आहे. २९ तारखेला न्यायालयाच्या आदेशानंतर चार तासांत प्रशासनाने सर्वेक्षण केले. त्यानंतर रविवारी ही टीम पुन्हा पोहोचली. बाबरच्या कारकिर्दीत १५२९ मध्ये तिचे मशिदीत रूपांतर झाल्याचे हिंदू पक्षाने म्हटले आहे.
हेही पहा-
Join Our WhatsApp Community