दिल्लीचे माजी मुख्यमंत्री आणि आम आदमी पक्षाचे (Aam Aadmi Party) राष्ट्रीय संयोजक अरविंद केजरीवाल (Arvind Kejriwal) नुकतेच जामिनावर तिहार तुरुंगातून बाहेर आले आहेत. दिल्ली दारू घोटाळ्याशी संबंधित एका प्रकरणात ते तुरुंगात होते. मात्र, तुरुंगातून बाहेर येताच केजरीवाल आणि आम आदमी पक्षाच्या इतर नेत्यांसमोर आणखी एक मोठी समस्या निर्माण झाली आहे. वास्तविक, महाठग सुकेश चंद्रशेखरने (Sukesh Chandrashekhar) केजरीवाल यांच्यासह अनेक नेत्यांवर १० कोटी रुपयांच्या खंडणीचा आरोप केला होता. आता या प्रकरणी सीबीआयने (CBI) तुरुंगात सुकेशचा जबाब नोंदवला आहे. (Sukesh Chandrasekhar)
या लोकांवर खंडणीचा आरोप आहे
वास्तविक, फसवणूक करणारा सुकेश चंद्रशेखर (Sukesh Chandrashekhar) याने अरविंद केजरीवाल, सत्येंद्र जैन आणि तत्कालीन डीजी संदीप गोयल यांच्यावर तिहार तुरुंगातून १० कोटी रुपयांची खंडणी (Sukesh Chandrashekhar 10 crore extortion) मागितल्याचा आरोप केला होता. सुकेश यांनी तुरुंगात बसून दिल्लीचे उपराज्यपाल आणि गृह मंत्रालयाला पत्र लिहून ही तक्रार केली होती. या तक्रारीवरून उपराज्यपाल आणि गृह मंत्रालयाने सुकेशच्या तक्रारीची चौकशी करण्याची परवानगी दिली होती. (Sukesh Chandrasekhar)
(हेही वाचा – Rajkot Fort : छत्रपती शिवाजी महाराजांचा पुतळा कोसळण्याच्या प्रकरणाचा चौकशी अहवाल सादर)
CBI ने नोंदवला सुकेशचा जबाब
सीबीआयने तुरुंगात जाऊन सुकेश चंद्रशेखर यांचा जबाब नोंदवण्याची परवानगी मागितली होती. या मागणीवर तीस हजारी न्यायालयाने (Tis Hazari Court) सीबीआयला जबाब नोंदवण्याची परवानगी दिली होती. सुकेश चंद्रशेखर यांनी अरविंद केजरीवाल, सत्येंद्र जैन आणि तिहारचे माजी डीजी संदीप गोयल यांच्याविरोधात दिलेल्या तक्रारीप्रकरणी सीबीआयने कारवाई सुरू केली आहे. यासंदर्भात सीबीआयने मंगळवारी कारागृहात जाऊन सुकेश चंद्रशेखरचा जबाब नोंदवला.
हेही पाहा –