Sulbha Sanjay Khodke : महाराष्ट्राच्या विधिमंडळात खोडके दाम्पत्याचा नवा रेकॉर्ड

महाराष्ट्राच्या राजकीय इतिहासात प्रथमच एक पती-पत्नी जोडपे विधिमंडळात एकत्रितपणे आमदार म्हणून काम करणार आहे. संजय खोडके आणि सुलभा खोडके या दाम्पत्याने हा अनोखा विक्रम नोंदवला आहे. संजय खोडके हे विधान परिषदेचे सदस्य असून, सुलभा खोडके या विधानसभेच्या आमदार आहेत. आगामी साडेचार वर्षे हे जोडपे राज्याच्या विधिमंडळात एकत्रितपणे जनतेची सेवा करणार आहे. ही घटना राज्याच्या राजकीय वर्तुळात चर्चेचा विषय ठरली आहे. (Sulbha Sanjay Khodke)

(हेही वाचा – Samruddhi Mahamarg वरील टोल महागला; १ एप्रिलपासून अंमलबजावणी)

विधिमंडळातील पती-पत्नींचा इतिहास

यापूर्वी महाराष्ट्राच्या विधिमंडळात पती-पत्नी जोडपे आमदार म्हणून निवडून आले असले, तरी ते कधीही एकाच वेळी सभागृहात उपस्थित राहिले नाहीत. माजी मुख्यमंत्री वसंतदादा पाटील (Vasantdada Patil) आणि त्यांच्या पत्नी शालिनी पाटील (Shalini Patil) हे दोघेही आमदार राहिले, पण वेगवेगळ्या काळात. त्याचप्रमाणे माजी मुख्यमंत्री अशोक चव्हाण (Ashok Chavan) आणि त्यांच्या पत्नी अमिता चव्हाण (Amita Chavan), तसेच कन्नड मतदारसंघाचे माजी आमदार रायभान जाधव आणि त्यांच्या पत्नी तेजस्विनी जाधव, हर्षवर्धन जाधव आणि संजना जाधव यांनीही वेगवेगळ्या कार्यकाळात विधिमंडळात प्रतिनिधित्व केले. दौड मतदारसंघातून सुभाष कुल यांच्या निधनानंतर त्यांच्या पत्नी रंजना कुल, तर माजी मंत्री आर. आर. पाटील यांच्या निधनानंतर सुमन पाटील आमदार झाल्या. पाथर्डी-शेवगावमधून राजीव राजळे आणि मोनिका राजळे यांनीही वेगवेगळ्या टर्ममध्ये काम पाहिले. (Sulbha Sanjay Khodke)

(हेही वाचा – Temple : दिल्ली प्रशासन तीन हिंदू मंदिरे तोडणार; अधिवक्ता विष्णू शंकर जैन यांची सर्वोच्च न्यायालयात धाव)

संजय आणि सुलभा खोडके यांनी आपापल्या मतदारसंघात मजबूत पकड निर्माण केली आहे. सुलभा खोडके या अमरावती मतदारसंघातून विधानसभेत निवडून आल्या, तर संजय खोडके हे विधान परिषदेत सक्रिय आहेत. या जोडप्याच्या एकत्रित उपस्थितीमुळे पक्षाला आणि जनतेला नवीन दृष्टिकोन मिळेल, अशी अपेक्षा व्यक्त केली जात आहे. राजकीय विश्लेषकांच्या मते, खोडके दाम्पत्याचे हे यश त्यांच्या समर्पण आणि जनसंपर्काचे फलित आहे. (Sulbha Sanjay Khodke)

खोडके दाम्पत्याच्या या नव्या अध्यायामुळे महाराष्ट्राच्या राजकारणात एक वेगळा आयाम निर्माण होणार आहे. पुढील साडेचार वर्षे हे जोडपे विधिमंडळात एकत्रितपणे काय योगदान देणार, याकडे सर्वांचे लक्ष लागले आहे. (Sulbha Sanjay Khodke)

हेही पहा –