Swati Maliwal Case : अरविंद केजरीवालांचा पीए विभव कुमार याला अटक

दिल्ली महिला आयोगाच्या माजी अध्यक्षा आणि राज्यसभेच्या खासदार स्वाती मालीवाल (Swati Maliwal) यांच्यावर हात उचलणारा मुख्यमंत्री अरविंद केजरीवाल यांचा पीए विभव कुमार याला पोलिसांनी अटक केली आहे. यानंतर विभव कुमार दयेची भीक मागू लागला. बघू या.. विभवकुमार पोलिसांना काय-काय म्हणाला. (Swati Maliwal Case)

दिल्लीचे मुख्यमंत्री अरविंद केजरीवाल यांचा पीए विभव कुमार शेवटी पोलिसांच्या तावडीत सापडला आहे. दिल्ली महिला आयोगाच्या माजी अध्यक्षा स्वाती मालीवाल (Swati Maliwal) यांना मारझोड केल्याचा त्याच्यावर आरोप आहे. मालीवाल प्रकरण घडल्यापासून विभव कुमार मुख्यमंत्री निवासात राहत होता. (Swati Maliwal Case)

विभव कुमारच्या संदर्भात आता अनेक माहिती समोर येत आहे. पोलिसांनी दिलेल्या माहितीनुसार, घटनेनंतर विभव मुख्यमंत्र्यांच्या निवासस्थानात राहत होता. अटकपूर्व जामीन मिळावा यासाठी तो स्वत: काल शुक्रवारपासून दिल्ली पोलिसांसोबत बोलत होता. (Swati Maliwal Case)

पोलिसांनी दिलेल्या माहितीनुसार, विभव कुमार पोलिसांपुढे गयावया करीत होता. ‘मी तुम्हाला तपासात पूर्ण सहकार्य करेन. पण तुम्ही मला अटक करू नका’, अशी विनवणी तो करीत होता. महत्वाचे म्हणजे, विभव कुमार यांच्यावर ज्या कलमांतर्गत गुन्हा दाखल करण्यात आला आहे त्यानुसार कमाल सात वर्षांच्या शिक्षेची तरतूद आहे. (Swati Maliwal Case)

(हेही वाचा – ऐन निवडणुकीत Sanjay Raut यांच्या अडचणींत वाढ; गुन्हा दाखल)

संभाषणाच्या बहाण्याने बिभवला अटक

पोलिसांनी दिलेल्या माहितीनुसार, पोलिस अधिकाऱ्यांचे आज सकाळीही विभवशी बोलणे झाले. पोलिसांनी विभवला बोलण्याच्या बहाण्याने भेटायला बोलाविले आणि नंतर अटक केली. पोलिस आधी विभवची चौकशी करणार आहेत. त्यानंतर सायंकाळपर्यंत तीस हजारीला न्यायालयात हजर करणार आहे. (Swati Maliwal Case)

मालीवाल प्रकरणी एफआयआर दाखल झाल्यापासून विभव कुमार फरार होता. यापूर्वी त्यांना फक्त एकदा मुख्यमंत्री अरविंद केजरीवाल यांच्यासोबत लखनौत पाहण्यात आले होते. आता पोलिस आयुक्त संजय अरोरा यांनीही विभवच्या अटकेला दुजोरा दिला आहे. (Swati Maliwal Case)

विभव कुमारला मुख्यमंत्री निवासस्थानातून अटक करण्यात आली आहे. त्याला सिव्हिल लाइन्स पोलिस ठाण्यात नेण्यात आले असून तेथे त्याची चौकशी करण्यात येणार आहे. गुन्हा दाखल झाल्यानंतर तो मुख्यमंत्री अरविंद केजरीवाल यांच्या निवासस्थानी होता की तो कुठेतरी जाऊन लपला होता का? याचा शोध घेण्यासाठी पोलीस आता त्याची चौकशी करणार आहेत. (Swati Maliwal Case)

(हेही वाचा – Deep Cleaning Drive : सखोल स्वच्छता मोहिमेला मिळते यश, हवेतील प्रदूषणात होते घट)

विभवच्या वकिलाची प्रतिक्रिया

विभव कुमारचे वकील करण शर्मा यांचीही प्रतिक्रिया आली आहे. “आम्हाला अद्याप पोलिसांकडून कोणतीही माहिती मिळालेली नाही. आम्ही त्यांना ई-मेल पाठवून तपासात सहकार्य करण्याचे आश्वासन दिले आहे, असे ते म्हणाले. दरम्यान, या कारवाईनंतर आपच्या लीगल सेलचे अध्यक्ष संजीव नसियार यांनी अद्याप एफआयआरची प्रत मिळाली नसल्याचे सांगितले. (Swati Maliwal Case)

आतिशीने पोलिसांवर प्रश्न उपस्थित केले

दिल्लीचे मंत्री आतिशी यांनी या घटनेबाबत अनेक प्रश्न उपस्थित केले आहेत. ते म्हणाले की, विभव कुमार यांनी २४ तासांपूर्वी दिल्ली पोलिसांकडे तक्रार दाखल केली होती, परंतु दिल्ली पोलिसांनी अद्याप एफआयआर नोंदवलेला नाही. स्वाती मालीवाल यांच्या बाबतीत पोलीस लगेच सक्रिय होतात. ते एफआयआर नोंदवतात आणि मीडियामध्ये प्रसिद्ध करतात. मुख्यमंत्र्यांच्या सुरक्षेच्या मुद्द्यावर पोलीस गप्प आहेत. (Swati Maliwal Case)

हेही पहा –