हिंदूंचे धर्मांतर करणाऱ्या त्या ‘मौलवीं’च्या मुसक्या आवळल्या! 

या दोन्ही मौलवींच्या राष्ट्रीय सुरक्षा कायदा (रासुका) आणि गुंडा ऍक्ट अंतर्गत कारवाई करण्यात येणार आहे.

पाकिस्तानातील गुप्तचर संघटना आयएसआयच्या इशाऱ्याने आणि पैशाने उत्तर प्रदेशात १ हजार हिंदूंचे धर्मांतर करणाऱ्या दोन मौलवींच्या उत्तर प्रदेशातील मुख्यमंत्री योगी आदित्यनाथ यांनी चांगल्याच मुसक्या आवळल्या. त्यांच्यावर राष्ट्रीय सुरक्षा कायदा (रासुका) आणि गुंडा ऍक्ट अंतर्गत कारवाई करण्यात येणार आहे. याशिवाय या दोन्ही मुसलमान मौलवींची संपत्ती जप्त करण्यात येणार आहे. या दोन्ही मौलवींना उत्तर प्रदेश पोलिसांच्या दहशतवाद विरोधी पथकाने दिल्लीतील जामिया नगर येथून अटक केली आहे.

रासुका आणि धर्मांतरविरोधी कायद्यांतर्गत कारवाई!

उत्तर प्रदेशचे मुख्यमंत्री योगी आदित्यनाथ यांनी या दोन्ही राष्ट्रद्रोह्यांच्या विरोधात मोठी कारवाई करण्याचा आदेश दिला. त्यानंतर पोलिसांनी आयएसआयने पोसलेल्या मुफ्ती काजी जहांगीर आलम कासमी आणि महंमद उमर गौतम या दोन मौलवींच्या विरोधात रासुका आणि गुंडा ऍक्ट अंतर्गत कारवाई सुरु केली आहे. या दोघांवर उत्तर प्रदेशात धर्मांतर विरोधी कायद्याच्या अंतर्गतही कारवाई करण्यात येत आहे.

(हेही वाचा : धक्कादायक! ISI च्या पैशावर उत्तर प्रदेशातील १ हजार हिंदूंना बनवले मुसलमान!)

असे करायचे धर्मांतर!

मुफ्ती काजी जहांगीर आलम आणि महंमद उमर गौतम यांची पोलिसांनी चौकशी सुरु केली आहे. त्यामध्ये उमर गौतम हा हिंदूंना धर्मांतर करून मुसलमान बनवायचा. विवाह आणि पैशाची खोटी प्रलोभने देऊन त्याने एक हजार हिंदूंचे धर्मांतर घडवून आणले असल्याची कबुली पोलिसांना दिली. ते दोघे दिल्लीच्या जामिया नगर येथे ‘इस्लामिक दावा’ नावाचे केंद्र चालवायचे. या प्रकरणाच्या सखोल चौकशीनंतर या धर्मांतरासाठी पाकिस्तानची गुप्तचर संघटना आयएसआय ही दहशतवादी संघटना या दोघांना पैसे पुरवायची, अशी धक्कादायक माहिती समोर आली. हे दोघे आरोपी गरीब, अबला महिला आणि अपंग मुलांना लक्ष्य करायचे. त्यांना खोटी प्रलोभने देऊन त्या मुलांच्या कुटुंबियांना पैसे देऊन मुसलमान बनवायचे.

डासना हल्ल्यातील आरोपींमुळे उघडकीस आले धर्मांतर! 

३ जूनला दिल्लीच्या डासना मंदिराच्या पुजाऱ्यावर दोन युवकांनी हल्ला केला होता. या दोन हल्लेखोरांना जेव्हा पोलिसांनी पकडले आणि त्यांची चौकशी केली असता मुफ्ती काजी जहांगीर आलम कासमी और मोहम्मद उमर गौतम या दोघांची नावे समोर आली.

(हेही वाचा : सावधान! म्युकरमायकोसिस आता कोरोनाला मागे टाकतोय!)

प्रतिक्रिया द्या

Please enter your comment!
Please enter your name here