Assembly Elections 2024 : राष्ट्रवादीच्या संभाव्य उमेदवारांची यादी; जाणून घ्या कुणाला मिळाली उमेदवारी आणि कुणाचा झाला पत्ता कट?

विधानसभा निवडणुकांची घोषणा झाल्यानंतर आता सर्वांनाच उमेदवारांच्या नावांची उत्सुकता आहे. महाविकास आघाडी व महायुतीमध्ये जागावाटपाची चर्चा अंतिम टप्प्यात असून पुढील २ ते ३ दिवसांत जागावाटप जाहीर होईल, असं सर्वच पक्ष सांगत आहेत. तर दुसरीकडे मात्र राज ठाकरे यांनी आपल्या मनसेचे सात उमेदवार जाहीर देखील केले आहेत. वंचित बहुजन आघाडीने देखील आतापर्यंत ५१ उमेदवार जाहीर केले आहेत. अजित पवार (Ajit Pawar) यांच्या राष्ट्रवादी काँग्रेस पक्षाच्या (Nationalist Congress Party) ४१ आमदारांची संभाव्य यादी समोर आली आहे. (Assembly Elections 2024)

या यादीमध्ये अजित पवार बारामती मधून तर नवाब मलिक हे शिवाजीनगर मानखुर्द विधानसभा मतदारसंघातून लढणार असल्याचा बोलले जात आहे. अनुषक्ती नगर विधानसभा ज्या ठिकाणी नवाब मलिक स्वतः आमदार आहेत त्या ठिकाणी त्यांनी आपल्याच कुटुंबातील सना मलिक यांना लढवण्याचा निर्णय घेतला आहे. काँग्रेस मधून राष्ट्रवादी अजित पवार गटात आलेल्या सुलभा खोडके तसेच हिरामण खोसकर यांना देखील अजित पवार उमेदवारी देत आहेत. (Assembly Elections 2024)