“आम्ही हिंदूंचं संरक्षण करू, अमेरिकेतील हिंदूंकडे दुर्लक्ष…”, दिवाळीच्या शुभेच्छा देताना Donald Trump काय म्हणाले?

अमेरिकेच्या (America) अध्यक्षपदाच्या निवडणुकीत कमला हॅरिस (Kamala Harris) आणि डोनाल्ड ट्रम्प (Donald Trump) यांच्यात लढत होणार आहे. त्यामुळे अमेरिकेत स्थायिक झालेल्या परदेशी नागरिकांना आकर्षित करण्याचा प्रयत्न सुरू आहे. दिवाळीच्या निमित्ताने अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांनी भारतीयांना शुभेच्छा देऊन भारत आणि अमेरिकेतली भागीदारी अधिक मजबूत करण्याचा विश्वास दिला आहे.

(हेही वाचा-International News: न्यूयॉर्कमधील शाळांना पहिल्यांदाच मिळाली दिवाळीची सुट्टी!)

डोनाल्ड ट्रम्प (Donald Trump) म्हणाले, “हिंदू, ख्रिश्चन आणि इतर अल्पसंख्याकांवरील रानटी हिंसाचाराचा मी तीव्र निषेध करतो. त्यांच्यावर जमावाकडून हल्ले होत आहेत आणि बांगलादेशमध्ये लूट केली जात आहे, यामुळे अराजकता निर्माण झाली आहे. हे माझ्या काळात कधीच घडले नसते. कमला यांनी जगभरातील आणि अमेरिकेतील हिंदूंकडे दुर्लक्ष केले आहे. इस्रायल ते युक्रेन आणि आमच्या स्वतःच्या दक्षिण सीमेपर्यंत आपत्ती ठरले आहेत, परंतु आम्ही अमेरिकेला पुन्हा मजबूत बनवू आणि सामर्थ्याने शांतता परत आणू.” असं आश्वासन डोनाल्ड ट्रम्प (Donald Trump) यांनी भारतीयांना दिलं आहे.

I strongly condemn the barbaric violence against Hindus, Christians, and other minorities who are getting attacked and looted by mobs in Bangladesh, which remains in a total state of chaos.

It would have never happened on my watch. Kamala and Joe have ignored Hindus across the…

— Donald J. Trump (@realDonaldTrump) October 31, 2024

“कट्टरपंथी डाव्यांच्या धर्मविरोधी अजेंड्यापासून आम्ही हिंदू अमेरिकनांचेही संरक्षण करू. आम्ही तुमच्या स्वातंत्र्यासाठी लढू. माझ्या प्रशासनात, आम्ही भारत आणि माझे चांगले मित्र पंतप्रधान मोदी यांच्याशी आमची उत्तम भागीदारी मजबूत करू. कमला हॅरिस तुमचे छोटे व्यवसाय अधिक नियम आणि उच्च करांसह नष्ट करतील. याउलट, मी कर कमी केले, नियमात कपात केली आणि इतिहासातील सर्वात मोठी अर्थव्यवस्था तयार केली. आम्ही ते पुन्हा करू. पूर्वीपेक्षा मोठे आणि चांगले करू. आम्ही अमेरिकेला पुन्हा ग्रेट बनवू.” असं डोनाल्ड ट्रम्प (Donald Trump) म्हणाले आहेत. “तसेच सर्वांना दिवाळीच्या हार्दिक शुभेच्छा. मला आशा आहे की प्रकाशाचा सण वाईटावर चांगल्याचा विजय मिळवून देईल!” अशा शुभेच्छाही त्यांनी दिल्या आहेत.

हेही पहा-