मुंबई महापालिकेत यापूर्वीच्या काळात औषध खरेदीत चूकीच्या बाबी घडल्या आहेत. तसेच औषध दिरंगाई झाली या सगळ्याची चौकशी करण्यात येईल, अशी घोषणा मुख्यमंत्री एकनाथ शिंदे यांनी मंगळवारी विधानसभेत केली.
(हेही वाचा – ग्रामपंचायत निकालाबाबत फडणवीसांनी व्यक्त केला विश्वास; म्हणाले ‘रेकॉर्डब्रेक जागा…’)
कांदिवली येथील भारतरत्न डॉ. बाबासाहेब आंबेडकर सर्वसाधारण महापालिका रुग्णालयातील सोई सुविधांचा अभाव असल्याकडे लक्ष वेधीत भाजपा आमदार आशिष शेलार यांनी तारांकित प्रश्न उपस्थितीत केला होता. यावर बोलताना शेलार यांनी या रुग्णालयातील रिक्त पदे तातडीने भरणार का, चुकीची औषध खरेदी व औषध दिरंगाई झाली त्याची चौकशी करणार का, असे प्रश्न उपस्थितीत केले.
त्यावर उत्तर देताना मुख्यमंत्र्यांनी चौकशी करण्याचे मान्य करुन, रिक्त पदे तातडीने भरण्यात येतील अशी ग्वाही दिली. तसेच आशिष शेलार यांनी केलेल्या सूचनेप्रमाणे ५ हजार स्वच्छता दूत नियुक्त करण्यात येणार आहेत. शिवाय ५ हजार ५०० आशा वर्कर्सची भरती करण्यात येईल अशी घोषणाही मुख्यमंत्र्यांनी केली. या रुग्णालयाबाबतीत सविस्तर चर्चा करण्यासाठी स्वतंत्र बैठक घेण्याची मागणी आमदार अतुल भातखळकर यांनी केली, तीही मुख्यमंत्र्यांनी मान्य केली.
सेव्हन हिल्स रुग्णालय ताब्यात घ्या!
पश्चिम उपनगरातील सेव्हन हिल्स रुग्णालय महापालिकेने ताब्यात घ्यावे, अशी मागणी आमदार आशिष शेलार यांनी केली. ती मान्य करीत याबाबत महापालिकेला सूचना करण्यात येतील असे मुख्यमंत्र्यांनी सांगितले. या चर्चेत आमदार पराग आळवणी, योगेश सागर सहभागी झाले.
Join Our WhatsApp Community