तुम्ही २०२९मध्ये अडकलात, मी तर २०४७ची तयारी करतोय; निवडणूक जाहीर होताच PM Narendra Modi यांचा आत्मविश्वास

“मोदी काय आहेत हे शोधण्यासाठी तुमची संपूर्ण टीम लावा. त्यांना ते शोधून काढू द्या. तुम्ही २०२९ ला अडकलात, मी तर २०४७ ची तयारी करत आहे, असे पंतप्रधान नरेंद्र मोदी यांनी २०२४ नंतरच्या निवडणुकांबाबतही सकारात्मक भाष्य करून तेच पुढेही भाजपाचेच सरकार सत्तेत राहणार असल्याचे सूचक वक्तव्य केले. विशेष म्हणजे शनिवारी, १६ मार्च रोजी निवडणुकीची घोषणा झाली आणि त्याच दिवशी नरेंद्र मोदी (PM Narendra Modi) यांनी असे वक्तव्य केले.

पंतप्रधान नरेंद्र मोदी (PM Narendra Modi) १६ मार्च रोजी इंडिया टुडेच्या कॉन्क्लेव्हमध्ये सहभागी झाले होते. यावेळी पंतप्रधान नरेंद्र मोदी यांनी सुरुवातीलाच आगामी निवडणुकीबाबत भाकीत केले. जेव्हा मी अशा कॉन्क्लेव्हला जातो तेव्हा माझ्याकडून हेडलाइन्सची अपेक्षा केली जाते. पण मी डेडलाइनवर काम करणारा व्यक्ती आहे, हेडलाईनवर नाही, असा टोलाही मोदींनी लगावला. देशातील स्टार्टअप्सच्या संख्येत लक्षणीय वाढ झाल्याचेही पंतप्रधान मोदींनी (PM Narendra Modi) सांगितले. १० वर्षांपूर्वी जवळपास १०० स्टार्टअप्स होते. आता १.२५ लाख स्टार्टअप्स नोंदणीकृत आहेत. भारतातील स्टार्टअप ६०० हून अधिक जिल्ह्यांमध्ये आहेत, ज्यात देशाच्या क्षेत्रफळाचा ९० टक्के वाटा आहे, असेही पंतप्रधान मोदी म्हणाले.

(हेही वाचा Veer Savarkar : वीर सावरकरांवर राहुल गांधींना प्रश्न विचारणाऱ्या ‘हिंदुस्थान पोस्ट’च्या महिला पत्रकाराला धक्काबुक्की; ‘गोदी मीडिया’ म्हणत घोषणाबाजी)

सर्वाधिकवेळा ईशान्येकडील राज्यांत दौरा केला