-
प्रतिनिधी
मावळ तालुक्यातील रस्ते, पाणीपुरवठा योजना, आरोग्य केंद्रे आणि मंदिर परिसराच्या विकासासाठी तातडीने उपाययोजना हाती घेण्याचे निर्देश उपमुख्यमंत्री अजित पवार (DCM Ajit Pawar) यांनी दिले. मंत्रालयात झालेल्या उच्चस्तरीय बैठकीत त्यांनी विविध विकास प्रकल्पांचा आढावा घेतला आणि संबंधित अधिकाऱ्यांना त्वरित कार्यवाहीचे आदेश दिले.
(हेही वाचा – २७ फेब्रुवारी : ‘फ्लिकर सिंह’ म्हणून ओळखल्या जाणार्‍या हॉकीपटू Sandeep Singh यांचा जीवन परिचय)
महत्त्वाचे निर्णय :
- रस्ते आणि वाहतूक सुधारणा : मावळमधील महामार्गावरील वाहतूक कोंडी सोडवण्यासाठी रस्ते रुंदीकरण व उड्डाणपूल उभारण्यासाठी केंद्र सरकारकडे पाठपुरावा केला जाणार.
- पर्यटन व भाविकांच्या सोयीसाठी : लोणावळा व कार्ला येथे पर्यटक पोलिस ठाणे स्थापन करण्याचा निर्णय.
- आरोग्य सुविधा : लोणावळा व वडगाव (कान्हे) येथील उपजिल्हा रुग्णालयांची कामे गतीने पूर्ण करण्याचे निर्देश.
- श्री एकवीरा मंदिर परिसर विकास : कार्ल्यातील श्री एकवीरा मंदिर परिसराच्या विकासाची कामे आणि फनिक्युलर रोपवे उभारणी तातडीने पूर्ण करणार.
- क्रीडा संकुल : मौजे जांभूळ येथे आधुनिक क्रीडा संकुल उभारणीसाठी मंजूर क्षेत्रात विविध क्रीडा सुविधांची निर्मिती.
- पाणीपुरवठा सुधारणा : मावळमधील पाणीयोजनांच्या कामांना गती देण्यासाठी महाराष्ट्र जीवन प्राधिकरणाला आदेश.
बैठकीत उपमुख्यमंत्र्यांचे मार्गदर्शन
उपमुख्यमंत्री अजित पवार (DCM Ajit Pawar) यांनी सांगितले की, “मावळ तालुक्यातील विकासकामे वेळेत पूर्ण होण्यासाठी आम्ही कटिबद्ध आहोत. रस्ते, पाणीपुरवठा, आरोग्य आणि पर्यटनाच्या प्रकल्पांवर विशेष भर दिला जाणार आहे.”
(हेही वाचा – दिल्ली परिवहन महामंडळ कर्जबाजारी; BJP सरकारपुढे मोठे आव्हान)
बैठकीला उपस्थित अधिकारी आणि पदाधिकारी
या बैठकीला सार्वजनिक आरोग्यमंत्री प्रकाश आबिटकर (व्हीसीद्वारे), आमदार सुनील शेळके, तसेच नगरविकास, सार्वजनिक बांधकाम, वित्त व नियोजन, पाणीपुरवठा, गृह, क्रीडा विभागांचे वरिष्ठ अधिकारी, पुण्याचे जिल्हाधिकारी आणि पोलीस अधिकारी उपस्थित होते.
श्री एकवीरा मंदिर परिसराचा विकास आणि रोपवे प्रकल्प
श्री एकवीरा देवीच्या दर्शनासाठी लाखो भाविक येतात. त्यांच्यासाठी चांगल्या सुविधा निर्माण करण्यासाठी मंदिर परिसराच्या विकासाच्या कामांना गती देण्यात येईल. वेहेरगाव येथे श्री एकवीरा देवी मंदिराजवळ फनिक्युलर रोपवे उभारण्याचा प्रकल्प मंजूर झाला असून लवकरच त्याची अंमलबजावणी सुरू होईल.
(हेही वाचा – Veer Savarkar यांच्या ५९व्या आत्मार्पण दिनाच्या निमित्ताने महाराष्ट्र मिलिटरी स्कूलमध्ये वक्तृत्व स्पर्धा संपन्न)
पर्यटन व वाहतूक नियोजनावर भर
मावळ तालुक्यातील वाहतूक कोंडी सोडवण्यासाठी तळेगाव, चाकण, शिक्रापूर परिसरातील महामार्गांचे रुंदीकरण आणि उड्डाणपुलांसाठी केंद्र सरकारकडे पाठपुरावा करण्याचा निर्णय घेण्यात आला.
उपमुख्यमंत्री अजित पवार (DCM Ajit Pawar) यांच्या नेतृत्वाखाली मावळ तालुक्यातील रस्ते, पाणी, आरोग्य आणि पर्यटन यासंबंधीच्या महत्त्वाच्या प्रकल्पांना वेग मिळणार आहे. या निर्णयांमुळे मावळ तालुक्यातील नागरिकांना आणि पर्यटकांना चांगल्या सुविधा मिळण्याचा मार्ग मोकळा झाला आहे.
हेही पहा –
Join Our WhatsApp Community