अमरावती चिखलदरा मार्गावर आज (रविवार, १७ सप्टेंबर) पहाटेच्या सुमारास एक (Amravati Car Accident) भीषण अपघात झाला. या अपघातात अर्टिगा गाडी थेट २०० फूट दरीत कोसळली. या अपघातात आठ पैकी चार जणांचा जागीच मृत्यू झाला. परतवाडा ते चिखलदरा या मार्गावरील मोथा गावाजवळ चारचाकी खोल दरीत कोसळली आहे.
मिळालेल्या माहितीनुसार, हे आठ जण आदीलाबाद येथील रहिवासी असून ते पर्यटनासाठी चिखलदरा (Amravati Car Accident) येथे आले होते. सध्या चिखलदारा पोलीस घटनास्थळी पोहोचले असून अधिक तपास सुरु आहे. या अपघातात अर्टिगा वाहन क्रमांक एपी २८ डीडब्ल्यू २११९ या गाडीचा अक्षरश: चेंदामेंदा झाला आहे.
सध्या घटनास्थळी (Amravati Car Accident) मोठ्या प्रमाणावर मदतकार्य सुरू करण्यात आले असून, या अपघातात मृतांची संख्या वाढण्याची भीती व्यक्त केली जात आहे. भरधाव कार अनियंत्रित झाल्यामुळे ती दरीत कोसळल्याची प्राथमिक माहिती मिळाली आहे.
हेही पहा –
Join Our WhatsApp Community