-
प्रतिनिधी
मुंबई महानगर प्रदेशाचा विकास वेगाने साधण्यासाठी मुंबई महानगर प्रदेश विकास प्राधिकरणाने (MMRDA) २०२५-२६ साठी ४०,१८७ कोटी ४१ लाख रुपयांचा भव्य अर्थसंकल्प मंजूर केला आहे. उपमुख्यमंत्री व नगरविकास मंत्री एकनाथ शिंदे यांच्या अध्यक्षतेखाली आणि नगरविकास राज्यमंत्री माधुरी मिसाळ यांच्या उपस्थितीत झालेल्या बैठकीत महानगर आयुक्त डॉ. संजय मुखर्जी यांनी हा अर्थसंकल्प सादर केला.
पायाभूत सुविधांना ८७% निधी, मेट्रो आणि भुयारी मार्ग प्रकल्पांना गती
या अर्थसंकल्पातून ३५,१५१ कोटी रुपये म्हणजेच ८७% निधी पायाभूत सुविधा प्रकल्पांसाठी राखीव ठेवण्यात आला आहे.
- मेट्रो मार्गांचे विस्तारीकरण, भुयारी मार्ग, सागरी किनारा प्रकल्प आणि जलस्रोत विकास यावर भर देण्यात आला आहे.
- ठाणे-बोरीवली भुयारी मार्गासाठी २,६८४ कोटी आणि उत्तन-विरार सागरी किनारा प्रकल्पासाठी २,००० कोटी रुपयांची तरतूद करण्यात आली आहे.
- नवीन मेट्रो मार्ग – कांजूरमार्ग-बदलापूर आणि गायमुख-भाईंदर भुयारी मार्ग यांना प्राधान्य दिले आहे.
(हेही वाचा – MNS च्या बॅनरवर शिवसेनाप्रमुख बाळासाहेब ठाकरेंच्या फोटोमुळे राजकीय वाद)
मुंबईचा कायापालट – उपमुख्यमंत्री शिंदे यांचा दावा
उपमुख्यमंत्री एकनाथ शिंदे यांनी या अर्थसंकल्पाचे स्वागत करत सांगितले की, “मुंबई महानगरातील नागरिकांना जागतिक दर्जाच्या सुविधा देण्यासाठी हा अर्थसंकल्प महत्त्वाचा आहे. मेट्रो, रस्ते आणि जलस्रोत योजनांमुळे प्रवासाचा वेळ कमी होईल आणि वाहतूक कोंडीला आळा बसेल.”
मुख्यमंत्री फडणवीस यांचा विश्वास – महाराष्ट्र ट्रिलियन डॉलर अर्थव्यवस्थेच्या दिशेने
मुख्यमंत्री देवेंद्र फडणवीस यांनी अर्थसंकल्पाचे समर्थन करत सांगितले की, “मुंबई महानगर प्रदेश हा महाराष्ट्राच्या आर्थिक प्रगतीचा कणा आहे. दावोस येथे झालेल्या वर्ल्ड इकॉनॉमिक फोरममध्ये महाराष्ट्राने १५.७० लाख कोटींचे ५४ करार केले, त्यापैकी एमएमआरडीएने ३.५० लाख कोटींच्या गुंतवणुकीचे ११ करार केले आहेत.” (MMRDA)
(हेही वाचा – BMC : रस्त्यांची कामे झाल्यावर बांधकामाचा राडारोडा हटवा; अतिरिक्त आयुक्तांचे निर्देश)
महानगर आयुक्त संजय मुखर्जी – भविष्यातील मुंबईचा पाया घालणारा अर्थसंकल्प
महानगर आयुक्त डॉ. संजय मुखर्जी यांनी स्पष्ट केले की, “हा अर्थसंकल्प भविष्यातील मुंबईचा पाया घालणारा आहे. ३५,००० कोटींपेक्षा जास्त निधी थेट प्रकल्पांसाठी आहे. मेट्रो, भुयारी मार्ग आणि सागरी किनारा प्रकल्प मुंबईच्या विकासाला नवी दिशा देणार आहेत.”
मुंबईच्या कायापालटाचा नवा अध्याय सुरू
या प्रकल्पांमुळे मुंबई जागतिक आर्थिक केंद्र म्हणून उदयास येईल, असा विश्वास उपमुख्यमंत्री एकनाथ शिंदे आणि मुख्यमंत्री देवेंद्र फडणवीस यांनी व्यक्त केला आहे. हा अर्थसंकल्प मुंबईच्या विकासाचा नवा अध्याय लिहिणार आहे. (MMRDA)
हेही पहा –
Join Our WhatsApp Community