Islam स्वीकार, हिंदू धर्म चांगला नाही; १०वीच्या विद्यार्थिनीच्या तक्रारीनंतर इझहरला अटक

उत्तर प्रदेशातील कौशांबी जिल्ह्यात ग्रूमिंग जिहादशी संबंधित एक धक्कादायक प्रकरण समोर आले आहे. ज्यामध्ये अल्पवयीन हिंदू मुलीचे पाच वर्षांपासून ब्रेनवॉश करून तिच्यावर इस्लाम (Islam) धर्म स्वीकारण्यासाठी दबाव आणल्याचा आरोप करण्यात आला आहे. ही घटना मंझनपुर पोलीस स्टेशन परिसरात घडली असून, पीडितेच्या वडिलांच्या तक्रारीवरून पोलिसांनी मुख्य आरोपी इझहरसह 5 जणांविरुद्ध गुन्हा दाखल करून मुख्य आरोपीला अटक केली आहे. पोलीस या प्रकरणाचा गांभीर्याने तपास करत आहेत.

पीडितेच्या वडिलांनी सांगितले की, त्यांची 17 वर्षीय मुलगी, जी 10वीत आहे, ती गेल्या पाच वर्षांपासून इझहर नावाच्या तरुणाच्या प्रेमाच्या जाळ्यात अडकली होती. सुरुवातीला हे फक्त मैत्रीचे होते, पण हळूहळू इझहरने मानसिक दबाव टाकून अल्पवयीन मुलीचे ब्रेनवॉश केले आणि तिला इस्लाम (Islam) स्वीकारण्यास भाग पाडले. पीडितेने पोलिसांना दिलेल्या जबाबात म्हटले आहे की, गेल्या चार-पाच वर्षांपासून इझहर माझा छळ करत होता. त्याने मला बुरखा आणि कुराण दिले आणि माझ्याशी लग्न करण्याबाबत बोलले. हिंदू धर्म चांगला नाही असे सांगून त्याने माझ्यावर इस्लाम धर्म स्वीकारण्यासाठी दबाव आणला.

(हेही वाचा Tirupati Laddu Prasadam : हिंदूंच्या मंदिरांतील प्रसादामध्ये होणाऱ्या भेसळीच्या विरोधात Ranjit Savarkar यांनी दोन महिन्यांपूर्वीच उघडली मोहीम)

मुलीच्या वडिलांनी पोलिसांना सांगितले की, त्यांनी आपल्या मुलीला इझहरसोबत अनेकवेळा पाहिले होते, परंतु इझहर आपल्या मुलीला धर्मांतर करण्यास भाग पाडत असल्याची त्यांना कल्पना नव्हती. काही दिवसांपूर्वी वडिलांनी घरातील कपाट तपासले असता त्यांना बुरखा आणि कुराण सापडले, जे इझहरने त्यांच्या मुलीला दिले होते. हे पाहून वडिलांनी तत्काळ पोलीस ठाणे गाठून तक्रार दाखल केली. तक्रारीत वडिलांनी असाही आरोप केला आहे की, जेव्हा तिने इझहरला विरोध केला तेव्हा त्याने तिला शिवीगाळ केली आणि सांगितले की, “मी तुझ्या मुलीला मुस्लिम (Islam) बनवले आहे आणि लवकरच तिला माझ्यासोबत घेईन, मला कोणीही रोखू शकणार नाही.”

प्रकरणाचे गांभीर्य पाहून पोलिसांनी तत्काळ कारवाई करत मुख्य आरोपी इझहर याला अटक केली. कौशांबीचे सीओ अभिषेक सिंह म्हणाले, “मांझनपूर पोलिस स्टेशन परिसरातील एका व्यक्तीने तक्रार केली होती की, त्याच्या अल्पवयीन मुलीचे ब्रेनवॉश केले जात आहे आणि तिला धर्मांतर करण्यास भाग पाडले जात आहे. आम्ही मुख्य आरोपी इझहरसह 5 जणांविरुद्ध संबंधित कलमांतर्गत गुन्हा दाखल केला आहे. इझहरला अटक करण्यात आली असून त्याला न्यायालयीन कोठडी सुनावण्यात आली असून या प्रकरणाची चौकशी सुरू आहे.