परळ येथील पुलावर मंगळवारी (१६ जानेवारी) भीषण अपघात झाला. या अपघातात डम्पर आणि दुचाकीची धडक होऊन तीन जणांचा मृत्यू झाला. एका दुचाकीवरून दोन तरुणी आणि एक तरुण प्रवास करत होते. त्यांच्या दुचाकीची डम्परला धडक बसली आणि तिघांचाही अपघातस्थळी मृत्यू झाला. भोईवाडा पोलीस या घटनेचा तपास करत आहेत.
तनिष पतंगे (वय २४), रेणुका ताम्रकर ( वय २५) अशी अपघातात मृत्यू झालेल्यांची नावं आहेत. तर एकाची ओळख अद्याप पटलेली नाही.
(हेही वाचा – Iran-Israel Conflict: इराकमधील मोसाद केंद्रावर आणि सीरियामध्ये आयएसच्या केंद्रावर क्षेपणास्त्र हल्ला )
पोलिसांनी दिलेल्या माहितीनुसार, परेल ब्रिजवर दामोदर हॉलसमोर सकाळी ६.१५ वाजण्याच्या सुमारास ही घटना घडली. बाईकवरुन दोन तरुणी आणि एक तरुण प्रवास करत होते. साउथ बॉण्डने प्रवास करत असताना डिव्हायडरला धडक बसून नॉर्थ बॉण्डने जाणाऱ्या डंपरवर बाईत धडकली. दोन वाहनांची धडक इतकी जोरदार होती की बाईकच्या समोर भागाचा अक्षरश: चक्काचूर झाला, तर ट्रकच्या समोरील भागाचं देखील नुकसान झालं आहे. धडकेनंतर बाईकवरील तिघांना रस्त्यावर पडून डोक्यास गंभीर दुखापत झाली. अपघातानंतर जखमींना KEM हॉस्पिटल येथे दाखल करण्यात आलं होतं, मात्र डॉक्टरांनी तिघांनाही मृत घोषित केलं. डंपर चालकाने स्वत: पोलीस स्टेशनला जाऊन अपघाताची सविस्तर माहिती दिली.
Join Our WhatsApp Community