Accident In Up: लग्नाची वरात घेऊन जाणाऱ्या दोन वाहनांनी घेतला पेट, वरासह ४ जणांचा मृत्यू

उत्तर प्रदेशातील (Accident In Up) झाशी येथे भीषण अपघात झाला आहे. झाशी-कानपूर महामार्गावर डीसीएम आणि कार यांच्यात भीषण धडक झाली. काही वेळातच दोन्ही वाहनांनी पेट घेतला. कारमधील वरासह चार जणांचा होरपळून मृत्यु झाला आहे. यामध्ये कुटुंबातील दोघांना वाचवण्यात यश आलं आहे. दोघेही जखमी असून त्यांना उपचारासाठी रूग्णालयात दाखल करण्यात आलं आहे. (Accident In Up)

(हेही वाचा –Raj Thackeray : अजित पवार यांच्या बद्दल राज ठाकरे असे काही म्हणाले, की…)

पोलिसांनी दिलेल्या माहितीनुसार, या घटनेत वर, वराचा भाऊ, वराचा पुतण्या आणि कार चालक यांचा होरपळून मृत्यु झाला आहे. झाशी जिल्ह्यातील एरिच पोलिस स्टेशन हद्दीतील बिलती गावात राहणाऱ्या आकाशचे १० मे रोजी लग्न झाले होते. बडा गाव पोलिस ठाण्याच्या हद्दीतील छपर गावात आपल्या लग्नाची वरात घेऊन ते जात होते. गावातून बाहेर पडल्यानंतर कानपूर हायवेवरील परिचा ओव्हर ब्रिजजवळ आले असता त्यांना मागून येणाऱ्या डीसीएम वाहनाने धडक दिली. या अपघातामुळे कार आणि डीसीएम वाहनाला आग लागली. (Accident In Up)

(हेही वाचा –Brijbhushan Sharan Singh यांच्यावरील आरोप निश्चित करण्याचे कोर्टाचे आदेश)

डीसीएम वाहन चालकाने घटनास्थळावरुन पळ काढला. हा अपघात पाहुन वाटसरुंनी पोलिस स्टेशन आणि अग्निशमन दलाला माहिती दिली. अग्निशमन दलाने घटनास्थळी पोहचून आग विझवली. आग विझवल्यानंतर पोलिसांनी मृतदेह ताब्यात घेतले. (Accident In Up)

हेही पहा –