महाराष्ट्रात झालेल्या विविध नैसर्गिक आपत्तीमुळे बाधित झालेल्या शेतकरी आणि अन्य घटकांना राज्य शासनाने वेळोवेळी मदत जाहीर केली होती. त्या अंतर्गत ५ लाख ३९ हजार ६०५ लाभार्थ्यांना ५९२ कोटी ३४ लाख ९० हजार ५३० रुपयांची मदत त्यांच्या आधारसंलग्न बँक खात्यावर डीबीटीद्वारे आज वर्ग करण्यात आली. मदत व पुनर्वसन मंत्री मकरंद जाधव-पाटील यांनी ही माहिती दिली. (Natural Calamities)
(हेही वाचा- उत्तुंग इमारतींसाठी Fire Brigade घेणार ‘यांची’ मदत)
मदत व पुनर्वसन विभागाने दिलेल्या माहितीनुसार, विविध नैसर्गिक आपत्तींमध्ये अतिवृष्टी, पूर, अवेळी पाऊस, दुष्काळ, वादळी वारा आणि गारपीट यामध्ये बाधित झालेल्या शेतकऱ्यांना ही मदत दिली आहे. ५९२ कोटींच्या मदतीमध्ये २०२२, २०२३, २०२४ मधील अतिवृष्टी, पूर, अवेळी पाऊस, दुष्काळ व वादळी वाऱ्यांमुळे प्रभावित झालेल्या लाभार्थ्यांचा समावेश आहे. (Natural Calamities)
मंत्री जाधव-पाटील यांनी सांगितले की, या मदतीमुळे शेतकऱ्यांना आर्थिक दिलासा मिळेल. त्याचप्रमाणे, अमरावती विभागात ४ हजार ६७१ लाभार्थ्यांना ७ कोटी ४० लाख २९ हजार ८२० रुपये, छत्रपती संभाजीनगर विभागात ४ लाख ८३ हजार ८८३ लाभार्थ्यांना ५१४ कोटी ८५ लाख २३ हजार २६० रुपये, तसेच कोकण विभागात ८६५ लाभार्थ्यांना २१ लाख ८१ हजार ७८१ रुपये, नागपूर विभागात २० हजार ८९८ लाभार्थ्यांना २६ कोटी ४३ लाख १० हजार ८६४ रुपये, नाशिक विभागात १ हजार ९०९ लाभार्थ्यांना २ कोटी ७१ लाख ९१ हजार ७९१ रुपये आणि पुणे विभागात २७ हजार ३७९ लाभार्थ्यांना ४० कोटी ७२ लाख ५३ हजार १३ रुपये डीबीटीद्वारे वर्ग करण्यात आले आहेत. (Natural Calamities)
(हेही वाचा- आकाशवाणी Amdar Niwas मध्ये आग; अग्निशमन दलाच्या जवानांनी मिळवले नियंत्रण)
यावेळी मंत्री जाधव-पाटील यांनी दिला दिलासा व्यक्त केला की, संबंधित लाभार्थ्यांना या मदतीमुळे मोठा आर्थिक सहाय्य मिळेल आणि त्यांना पुन्हा एकदा स्वतःच्या पायावर उभं राहण्यास मदत होईल. (Natural Calamities)
हेही पहा-
Join Our WhatsApp Community