‘बेस्ट’ने जारी केली गहाळ झालेल्या स्मार्टफोनची यादी

मोबाईल फोन ही प्रत्येकाच्या आयुष्यात महत्त्वाची व गरजेची वस्तू झालेली आहे. आपला मोबाईल फोन आपल्या जवळ नसला की, प्रत्येकजण बैचेन होतो. परंतु अनेकदा घाईगडबडीत आपला फोन गहाळ होतो किंवा हरवतो अशावेळी मात्र शोधाशोध करत हतबल होऊन अनेकजण पोलीस स्टेशनला तक्रार दाखल करतात. तुमचा फोन जर बसमध्ये हरवला असेल तर बेस्ट उपक्रमाने ज्यांचे फोन जून २०२२ या महिन्यात फोन गहाळ झाले आहेत अशा सर्व नागरिकांना दिलासा दिला आहे.

( हेही वाचा : बेस्ट कंत्राटी कर्मचाऱ्यांच्या समस्यांवर चर्चा करत तोडगा काढणे आवश्यक!)

ट्विटरवर यादी जाहीर

बेस्ट उपक्रमाने त्यांच्या अधिकृत ट्वीटर अकाऊंटवरून गहाळ किंवा बसमध्ये हरवलेल्या मोबाईल फोनची यादी जाहीर केलेली आहे. यामध्ये मोबाईल फोन हरवलेला दिनांक, बसक्रमांकाचा मार्ग, मोबाईल फोनचे नाव नमूद केलेले आहे. त्यामुळे ज्यांचे फोन हरवले आहेत त्यांनी तातडीने बेस्ट उपक्रमाशी संपर्क साधावा आणि हे मोबाईल फोन १७ ऑगस्ट २०२२ च्या आधी आपल्या स्वाधीन करून घ्यावेत असे आवाहन उपक्रमामार्फत करण्यात आले आहे.

या संकेतस्थळावर उपलब्ध

तसेच गहाळ वस्तूंची अधिक माहिती बेस्ट उपक्रमाच्या bestundertaking.com संकेतस्थळावर उपलब्ध आहे. असेही बेस्टने स्पष्ट केले आहे.

बेस्टमध्ये जून महिन्यात गहाळ झालेल्या मोबाईल फोनची यादी पुढीलप्रमाणे आहे.

प्रतिक्रिया द्या

Please enter your comment!
Please enter your name here