Bike Accident : आरेच्या पिकनिक पॉईंट येथे भीषण अपघात, तीन ठार

पवई येथून गोरेगाव येथे एका मोटार सायकलवरून निघालेल्या तीन जणांचा आरे कॉलनीतील पिकनिक पॉईंट येथे भीषण अपघातात मृत्यू झाला आहे. शुक्रवारी मध्यरात्री १२ वाजण्याच्या सुमारास हा अपघात झाला. हे तिघेही आरे कॉलनी येथे  राहणारे आहेत. (Bike Accident)

आरे पोलिसांकडून मिळालेल्या माहितीनुसार, राधेश्याम दवंडे (३४), विवेक राजभर (२४), रितेश साळवे हे तिघेही एकाच मोटार सायकलवरून शुक्रवारी मध्यरात्री पवईहून गोरेगावच्या दिशेने निघाले होते. आरे पिकनिक पॉइंटजवळ त्यांची मोटार सायकल विजेच्या खांबावर धडकून भीषण अपघातात तिघेही गंभीर जखमी झाले. पोलिसांना या घटनेची माहिती मिळाल्यानंतर त्यांनी तात्काळ घटनास्थळ गाठून जखमींना रुग्णालयात दाखल केले. दवंडे आणि राजभर यांना डॉक्टरांनी मृत घोषित केले, तर साळवे यांच्या छातीत दुखू लागल्याने त्यांच्यावर उपचार सुरू होते, मात्र या उपचारादरम्यान त्यांचा दुर्दैवी मृत्यू झाला. (Bike Accident)

(हेही वाचा – बेकायदेशीररित्या कार्यरत असलेल्या बलाढ्य प्रवासी CAB कंपन्यांवर कारवाई करण्याची मागणी)

पोलिसांनी अपघाती मृत्यूची नोंद (एडीआर) करून तपास सुरू केला आहे. सीसीटीव्ही फुटेज आणि इतर माध्यमातून हा अपघात नक्की कसा झाला याचा तपास करण्यात येत आहे. तिघेही दारूच्या नशेत असल्याचा पोलिसांना संशय आहे. पीडितांच्या रक्ताचे नमुने घेण्यात आले असून, पोलिसांनी सांगितले की, निकाल आल्यानंतरच त्यांनी दारू प्यायली होती की नाही याची पुष्टी केली जाईल. (Bike Accident)

हेही पहा –