मुंबई महापालिकेच्यावतीने सीबीएसई, आयसीएसई मंडळाच्या आणि केंब्रिज मंडळाशी संलग्न असलेली शाळा सुरु करण्यात आल्यानंतर चालू शैक्षणिक वर्षात आणखी ५ सीबीएसई मंडळाच्या शाळा सुरू करण्यात आल्या आहेत. सध्या सीबीएसई मंडळाच्या ११ शाळा असून विद्यार्थ्यांचा मिळणारा वाढता प्रतिसाद पाहता आणखी पाच या मंडळाच्या शाळा सुरू करण्यात आल्याने महापालिकेच्यावतीने सुरु करण्यात आलेल्या सीबीएसई शाळांची संख्या १६ वर पोहोचली आहे. (BMC CBSE School)
सन २०२०-२१च्या शैक्षणिक वर्षात महापालिकेच्यावतीने सीबीएसई व आयसीएसईच्या प्रत्येकी एक शाळा आणि सन २०२१-२२मध्ये सीबीएसईच्या १० शाळा सुरु करण्यात आल्या होत्या. या शाळांना उत्तम प्रतिसाद मिळत असून चार हजार जागांसाठी सुमारे दहा हजार अर्ज प्राप्त झाले होते. आपला पाल्य जागतिकीकरणात टिकून राहण्यासाठी व त्यांच्या उज्ज्वल भवितव्यासाठी आर्थिक दुर्बल घटकातील पालक फक्त इंग्रजी माध्यमाच्याच नव्हे तर परवडत नसतानाही सीबीएसई, आयसीएसई व केंब्रीज मंडळाच्या शाळेत प्रवेश घेताना दिसत आहे. त्यामुळे या मंडळाच्या शाळा सुरु करण्याची गरज लक्षात घेऊन त्या सुरु करण्यावर भर दिला जात असून पालकांचा हा कल आणि वाढता प्रतिसाद लक्षात घेता नवीन ठिकाणी या सीबीएसई मंडळाच्या शाळांची संख्या वाढवण्याचा विचार आहे. (BMC CBSE School)
त्यामुळे या शाळांना मिळत असलेल्या प्रतिसादानंतर महापालिकेने आणखी ५ सीबीएसई मंडळाच्या शाळा सुरू करण्याचा निर्णय घेतला होता. त्यानुसार महापालिकेने शहरात दोन, पूर्व उपनगरांत दोन आणि पश्चिम उपनगरांमध्ये एक अशाप्रकारे पाच शाळा एप्रिल महिन्यापासून सुरु केल्या आहेत. मागील शैक्षणिक वर्षांपासून माटुंगा पूर्व येथील एल.के. वागजी मार्ग महापालिका शाळेत ही केब्रिज माध्यमाची शाळा सुरु केली असून महापालिकेच्या शाळेच्या सर्व विद्यार्थ्यांना ज्या सुविधा दिल्या जातात, त्या सर्व सुविधा केब्रिज मंडळाच्या महापालिका शाळेतही दिल्या जात आहेत. केंब्रीज बोर्डाची ही शाळा प्रायोगिक तत्वावर सुरु करण्यात आली असून इयत्ता पहिली ते पाचवीपर्यंतची ही शाळा आहे आणि नर्सरी, ज्युनियर केजी,सिनियर केजी तसेच प्रत्येक इयत्तेची एक तुकडी त्यात आहे. सन २०२२-२३नंतर प्रत्येक वर्षी नैसर्गिक वाढीने दहावी पर्यंतचे सुरु केली जात आहे. (BMC CBSE School)
(हेही वाचा – Uddhav Thackeray : उद्धव ठाकरेंना धक्का; माजी मंत्री मुंदडा शिवसेनेत)
याठिकाणी सुरु करण्यात आल्या नवीन सीबीएसई शाळा
ए विभाग : बोरा बाझार मुंबई पब्लिक स्कूल
जी दक्षिण : शांती नगर मुंबई पब्लिक स्कूल
एम पूर्व : पारेख कंपाऊंड मुंबई पब्लिक स्कूल
पी उत्तर : मालवणी टाऊनशिप मुंबई पब्लिक स्कूल
एस : वीर सावरकर मार्ग वर्षा नगर मुंबई पब्लिक स्कूल
- सीबीएसई मंडळाच्या : १६ शाळा
- आयसीएसई मंडळाच्या : ०१ शाळा
- केंब्रिज मंडळाशी : ०१ शाळा (BMC CBSE School)
हेही पहा –
Join Our WhatsApp Community