BMC Property tax: थकीत मालमत्ता कर भरा, नाहीतर कारवाईला सामोरे जा महापालिकेचा कारवाईचा इशारा 

मुंबई महापालिकेने (Municipal Corporation) मालमत्ता कराची वसुली करण्यासाठी आता शेवटच्या दिवसात कडक पावले उचलली असून या विभागाच्या वतीने आणखी मालमत्ता थकबाकीदारांची आणखी टॉप टेन यादी जाहीर करण्यात आली आहे. या यादीत ओमकार डेव्हलपर्स प्रा. लि.,रघूवंशी मिल्स,एचडीआयएल, एल अँड टी स्कॉमी इंजिनिअरिंग आदी नामांकित कंपन्यांच्या समावेश आहे. या सर्व थकबाकीदारांना महापालिकेने कराची रक्कम भरण्यासाठी नोटिस बजावली आहे. (BMC Property tax)

 नागरिकांची ऐनवेळची गैरसोय टाळण्यासाठी साप्ताहिक सुटी तसेच सार्वजनिक सुटीच्या दिवशीही सर्व विभागांमध्ये कर भरणा करण्याची सोय करण्यात आली आहे. परंतु, काही मोठ्या थकबाकीधारकांकडून अद्याप करभरणा करण्यात येत नसल्याने आणि त्यांना वेळोवेळी सूचना देऊनही योग्य प्रतिसाद मिळत नसल्यामुळे खात्याच्या वतीने नोटीस बजावण्यात आल्या आहेत. या मालमत्ताधारकांनी निश्चित कालावधीमध्ये करभरणा न केल्यास त्यांच्या मालमत्तेला अटकावणी किंवा जप्तीची कारवाई करण्यात येईल, अशी सूचना नोटिसीत देण्यात आली आहे. त्यामुळे नोटीसप्राप्त मालमत्ता धारकांनी पुढील कारवाई टाळण्यासाठी लागलीच करभरणा करावा, असे आवाहन बृहन्मुंबई महानगरपालिका (BMC Property tax) प्रशासनाकडून करण्यात आला आहे. (BMC Property tax)