विमानांत बॉम्ब ठेवण्याच्या निनावी धमक्या काही थांबायचे नावच घेत नाहीत. गेल्या काही दिवसात हे प्रमाण वाढतच चालले आहे. 20 ऑक्टोबर रोजी इंडियन एअरलाइन्सच्या 25 फ्लाइट्सना बॉम्बच्या धमक्या (Flight Bomb Threat) मिळाल्या होत्या. यापूर्वी 19 ऑक्टोबर रोजी 30 हून अधिक विमानांना बॉम्बच्या धमक्या मिळाल्या होत्या. या आठवड्यात सुमारे 100 विमानांना बॉम्बच्या धमक्या मिळाल्या. यानंतर केंद्र सरकारने नागरी विमान वाहतूक महासंचालक (DGCA) विक्रम देव दत्त यांना पदावरून हटवले. मात्र, या धमक्या खोट्या असल्याचे नंतर उघड झाले. यामुळे विमानात प्रवास करणाऱ्या प्रवाशांच्या मनात भीतीचे वातावरण तयार झाले आहे. (Bomb Threat)
नागरी उड्डाण मंत्री के राममोहन नायडू (Ram Mohan Naidu) यांनी सोमवारी सांगितले की, उड्डाणांवर बॉम्बच्या धमक्यांना सामोरे जाण्यासाठी कायदेशीर कारवाई करण्याची योजना आखली जात आहे. धमक्या देणाऱ्यांना नो-फ्लाय लिस्टमध्ये टाकण्यात येईल. विमान वाहतूक सुरक्षा नियमांसोबतच नागरी विमान वाहतूक कायदा, 1982 मध्ये सुधारणा करण्याचेही नियोजन केले जात आहे.
दरम्यान, नागरी उड्डाण सुरक्षा ब्युरोचे (बीसीएएस) महासंचालक झुल्फिकार हसन आणि केंद्रीय औद्योगिक सुरक्षा दलाचे (सीआयएसएफ) महासंचालक राजविंदर सिंग भाटी यांनीही सोमवारी केंद्रीय गृहसचिव गोविंद मोहन यांची भेट घेतली. सुमारे अर्धा तास चालला, मात्र या बैठकीचा तपशील अद्याप समोर आलेला नाही. गृह मंत्रालयाने (Ministry of Home Affairs) नागरी उड्डाण मंत्रालय आणि बीसीएएसकडून विमानांमध्ये बॉम्बच्या धोक्यांबाबत सविस्तर अहवाल मागवला होता. सी
एका आठवड्यात 200 कोटींचे नुकसान
विमानात बॉम्ब (Flight Bomb Threat) असल्याची माहिती मिळाल्यानंतर विमान त्याच्या नियोजित विमानतळाऐवजी जवळच्या विमानतळावर उतरवण्यात आले. यामुळे इंधनाचा वापर जास्त होतो एवढेच नाही तर विमानाची पुन्हा तपासणी करणे, प्रवाशांना हॉटेलमध्ये बसवणे आणि त्यांना त्यांच्या इच्छित स्थळी नेण्याची व्यवस्था करावी लागेल.
एका अहवालानुसार या सगळ्यावर सुमारे 3 कोटी रुपये खर्च झाले आहेत. या आठवड्यात विस्तारा, एअर इंडिया, इंडिगो, आकासा, स्पाइसजेट, स्टार एअर आणि अलायन्स एअरच्या 70 हून अधिक देशांतर्गत आणि आंतरराष्ट्रीय विमानांना धमक्या आल्या आहेत. धमक्यांमुळे आतापर्यंत 200 कोटी रुपयांचे नुकसान झाले आहे. (Bomb Threat)
धमकीचे संदेश पाठवणाऱ्यांची ओळख – विमान वाहतूक मंत्रालय
विमान वाहतूक मंत्रालयाने 16 ऑक्टोबर रोजी विमान कंपन्यांना धमकीचे संदेश पाठविण्याबाबत संसदीय समितीला उत्तर दिले. आरोपींची ओळख पटली असून कारवाई सुरू असल्याचे मंत्रालयाने सांगितले. तसेच अधिक माहिती संकलित करून अशा अनेक प्रकरणांवर कारवाई करण्यात येत असल्याचे सांगितले.
हेही पाहा –
Join Our WhatsApp Community