केंद्र सरकारने चंद्राचा अभ्यास करण्यासाठी भारतीय अंतराळ संशोधन संस्था (ISRO) च्या भारताच्या महत्त्वाकांक्षी चांद्रयान-५ (Chandrayaan-5) मोहिमेला मान्यता दिली आहे. इस्रो प्रमुखपदाची सूत्रे स्वीकारल्यानंतर व्ही. नारायणन यांनी यासंदर्भात माहिती दिली.
भारतीय अंतराळ संशोधन संस्थेचे (इस्रो) अध्यक्ष व्ही. नारायणन म्हणाले की, फक्त तीन दिवसांपूर्वीच आम्हाला चांद्रयान-५ (Chandrayaan-5) मोहिमेला मंजुरी मिळाली. यामध्ये जपान आमचा मित्र असेल. चांद्रयान-३ मोहिमेत २५ किलो वजनाचा रोव्हर (प्रज्ञान) होता, तर चांद्रयान-५ मोहिमेत चंद्राच्या पृष्ठभागाचा अभ्यास करण्यासाठी २५० किलो वजनाचा रोव्हर असेल.भविष्यातील प्रकल्पाबाबत नारायणन म्हणाले की, २०२७ मध्ये सुरू होणाऱ्या चांद्रयान-४ मोहिमेचे उद्दिष्ट चंद्रावरील मातीचे नमुने आणणे आहे. गगनयानसह अनेक मोहिमांव्यतिरिक्त, अंतराळात भारताचे स्वतःचे अंतराळ स्थानक स्थापन करण्याच्या योजना सुरू आहेत.
(हेही वाचा – Amritsar Temple Blast: अमृतसरमध्ये मंदिरावर ग्रेनेड हल्ला करणाऱ्या आरोपीचा पोलिसांकडून एन्काऊंटर !)
नारायणन म्हणाले की, चांद्रयान मोहिमेचा मुख्य उद्देश चंद्राच्या पृष्ठभागाचा अभ्यास करणे आहे. 2008 मध्ये चांद्रयान-1 यशस्वीरित्या प्रक्षेपित करण्यात आले, ज्याने चंद्राचे रासायनिक, खनिज आणि फोटो-जिओलॉजिकल मॅपिंग केले. तर 2018 सालचे चांद्रयान-2 98 टक्क्यांपर्यंत यशस्वी झाले होते, मात्र शेवटच्या टप्प्यात केवळ 2 टक्के मिशन साध्य होऊ शकले नाही, असे असतानाही चांद्रयान-2 वर बसवण्यात आलेला हाय रिझोल्युशन कॅमेराही शेकडो छायाचित्रे पाठवत आहे. (Chandrayaan-5)
व्ही नारायणन म्हणाले की, चांद्रयान-3 मिशन हे चांद्रयान-2 चे फॉलो-ऑन मिशन आहे. चंद्राच्या पृष्ठभागावर सुरक्षित लँडिंग आणि रोमिंगची पूर्ण क्षमता प्रदर्शित करणे हा त्याचा उद्देश आहे.चंद्राच्या पृष्ठभागावर सुरक्षित लँडिंग आणि रोव्हरची क्षमता प्रदर्शित करणे हे चांद्रयान-3 मोहिमेचे उद्दिष्ट आहे. चांद्रयान-3 लँडर विक्रमने 23 ऑगस्ट 2023 रोजी चंद्राच्या दक्षिण ध्रुवावर यशस्वीरित्या सॉफ्ट लँडिंग केले. चांद्रयान-4 मिशन 2027 मध्ये लॉन्च होण्याची अपेक्षा आहे. चंद्रावरून गोळा केलेले नमुने आणणे हा त्याचा उद्देश आहे. (Chandrayaan-5)
हेही पहा –
Join Our WhatsApp Community