Mumbai Pune Expressway वर वाहनचालकांची कोंडी; अपघातही आणि दंडही

(हेही वाचा शिवसेना उबाठा नेते Sanjay Raut यांना मातोश्रीवर मारहाण झाल्याचे वृत्त सामाजिक माध्यमांवर व्हायरल)

मुंबई – पुणे द्रुतगती महामार्गावर (Mumbai Pune Expressway) हलक्या वाहनांसाठी वेग मर्यादा 100 किमी प्रतितास, तर इतर वाहनांसाठी 80 किलो मीटर प्रतितास आहे; मात्र भरधाव जाणार्‍या वाहनचालकांना घाट परिसरात अचानकपणे प्रतितास 60/40 ची वेग मर्यादा असल्याचे फलक दिसल्याने वाहनांवर नियंत्रण आणणे कठीण होते. वेग कमी केल्यास मागून आलेली वाहने धडकण्याचे प्रकार घडत आहेत; तसेच वाहनांचा वेग कमी न केल्यास वाहतूक नियमाचे उल्लंघन केल्याने नाईलाजास्तव दोन हजार रूपये दंड भरावा लागत आहे. द्रुतगती मार्गावर (Mumbai Pune Expressway) वेग मर्यादेबाबतचे फलक अगदी कॅमेराजवळ तसेच मोजक्याच ठिकाणी लावल्याने वाहन चालकांना याचा अंदाज येत नाही. परिणामी वाहतूक नियमांचे उल्लंघन होत असल्याने वाहन चालकांना दंड भरावा लागत आहे. त्यामुळे द्रुतगतीवरील घाट परिसरात जागोजागी वेग मर्यादेबाबत सूचना फलक आणि डिजिटल बोर्ड लावण्यात यावेत अशी मागणी चालकांकडून करण्यात येत आहे.