Corporate Job Survey : पगार की कामाची गुणवत्ता, कर्मचारी नोकरी करताना कशाला देतात महत्त्व?

• ऋजुता लुकतुके

नोकरी करताना कर्मचाऱ्यांना नेमकी कुठली गोष्ट महत्त्वाची वाटते. मिळणारा पगार, कामाची गुणवत्ती की नोकरीची हमी? यासाठी कॉर्पोरेट क्षेत्रात अलीकडेच एक महत्त्वाचं सर्वेक्षण करण्यात आलं. सर्व्हे ऑन जॉब्ज असंच या सर्वेक्षणाचं नाव आहे. यात १० पैकी ८ कर्मचारी हे त्यांच्या पगारापेक्षा त्यांच्या कामाच्या गुणवत्तेला अधिक महत्त्व देतात. म्हणजेच त्यांच्या कामात कोणत्या प्रकारचे कौशल्य वापरले जाते हे नुकत्याच करण्यात आलेल्या सर्वेक्षणातून समोर आले आहे. ज्या कंपन्यांमध्ये कर्मचाऱ्यांच्या कौशल्याला अधिक महत्त्व दिले जाते, तेथे कर्मचारी टिकून राहण्याची शक्यता जास्त असते. कंपनीच्या मनुष्यबळ विकास विभागांना हे सर्वेक्षण करण्याचे अधिकार देण्यात आले होते. त्यांनी कर्मचाऱ्यांकडून ही माहिती मिळवली. (Corporate Job Survey)

सर्वेक्षणातून असे दिसून आले आहे की ६३ टक्के एचआरला असे आढळून आले की कौशल्य विकासाला महत्त्व देणाऱ्या कर्मचाऱ्यांमध्ये सुधारणा व पगारवाढ, बढतीही दिसून आली आहे. त्याच वेळी, स्किल फर्स्ट ट्रान्सफॉर्मेशन सारख्या कार्यक्रमांचा कर्मचाऱ्यांवर खूप सकारात्मक परिणाम झाला आहे. एकूण १,७७५ कंपन्यांमधील २४० एचआर लीडर्स आणि ३४० कर्मचाऱ्यांशी बोलून हा अहवाल तयार करण्यात आला आहे. सर्वेक्षणात अमेरिका, भारत, ब्रिटन, युरोप आणि आखाती देशांतील कर्मचाऱ्यांचा समावेश करण्यात आला आहे. (Corporate Job Survey)

(हेही वाचा – Badlapur Case : बदलापूरच्या घटनेतून काय धडा घ्याल?)

अहवालातून हे आले समोर 

काही वेळा पारंपरिक पद्धतींनी चालणाऱ्या व्यवसायात कर्मचाऱ्यांच्या कौशल्याला तितकेसे प्राधान्य मिळत नसल्याचेही या अहवालातून समोर आले आहे. अशा परिस्थितीत कंपनीच्या कामकाजावर त्याचा परिणाम होतो. परंतु जर कंपनीने कर्मचाऱ्यांच्या कौशल्याला महत्त्व दिले तर अशा परिस्थितीत कंपनीचे चांगले व्यवस्थापन करण्यास मदत होते. यासह, कंपनीच्या निकालात ५ पट सुधारणा होण्याची शक्यता आहे. यासोबतच या अहवालात असेही म्हटले आहे की, कर्मचाऱ्यांच्या परिवर्तनादरम्यान होणाऱ्या खर्चाला अनेकदा कमी लेखले जाते. अशा स्थितीत खर्चात ३ ते १० पट फरक दिसून येतो. (Corporate Job Survey)

नवीन भरती करताना कंपन्यांनी कौशल्याकडे जास्तीत जास्त लक्ष देण्याची गरज असल्याचेही या सर्वेक्षणातून दिसून आले आहे. हे कंपन्यांना त्यांच्या वास्तविक खर्च समजून घेऊन चांगल्या लोकांना कामावर घेण्यास मदत करेल. यासोबतच कंपन्यांना त्यांच्या कौशल्यातील अंतर भरून काढण्यासाठी मदत केली जाईल. दरम्यान, अहवालात दिलेल्या माहितीनुसार, कंपनीने कर्मचाऱ्यांच्या कौशल्याला महत्त्व दिले तर अशा परिस्थितीत कंपनीचे चांगले व्यवस्थापन करण्यास मदत होते. त्यामुळं त्याचा कंपनीला फायदा होतो, असंही अहवालात सांगण्यात आलं आहे. (Corporate Job Survey)

हेही पहा –