सिंहस्थ कुंभमेळ्यात धार्मिक परंपरेचे दर्शन घडवण्यासाठी ‘महाकुंभा’ची निर्मिती करा; CM Devendra Fadnavis यांचे निर्देश 

• प्रतिनिधी

२०२७ मध्ये नाशिक-त्र्यंबकेश्वर येथे होणाऱ्या सिंहस्थ कुंभमेळ्याच्या तयारीला गती देण्यासाठी मुख्यमंत्री देवेंद्र फडणवीस (CM Devendra Fadnavis) यांनी व्यापक योजना आखण्याच्या सूचना दिल्या आहेत. या कुंभमेळ्यात धार्मिक परंपरेचे दर्शन घडवण्यासाठी नाशिकच्या जवळ ‘महाकुंभा’ची निर्मिती करण्याचे निर्देश मुख्यमंत्र्यांनी दिले.

महाकुंभाचा भव्य प्रकल्प

महाकुंभ प्रकल्पांतर्गत नाशिकजवळ एक भव्य संमेलन केंद्र उभारण्यात येणार आहे, ज्यामध्ये देशभरातील मंदिरे, तीर्थक्षेत्रे आणि सांस्कृतिक वारसा यांचे दर्शन भाविकांना होईल. या प्रकल्पामुळे नाशिकला धार्मिक केंद्र म्हणून जागतिक पटलावर आणण्यास मदत होईल.

(हेही वाचा – BMC : जी दक्षिण विभाग कार्यालय आवारातील नागरी सुविधा केंद्राच्या कामकाजाची आयुक्तांनी केली पाहणी)

पायाभूत सुविधा आणि व्यवस्थापनावर भर

मुख्यमंत्र्यांनी (CM Devendra Fadnavis) कुंभमेळ्याच्या अनुषंगाने वाहतूक, गर्दी नियोजन, साधुग्राम, नदी आणि उपनद्यांचे शुद्धीकरण, तसेच रस्त्यांच्या रुंदीकरणावर भर दिला. समृद्धी महामार्ग, इगतपुरी-त्र्यंबकेश्वर रस्ता आणि नाशिक शहराच्या सर्व मार्गांचे काँक्रीटीकरण करण्याचे निर्देश दिले आहेत. भाविकांच्या सोयीसाठी ८ ते १० हेलिपॅड उभारण्याचा प्रस्तावही मांडला आहे.

सुरक्षिततेसाठी विशेष योजना

कुंभमेळ्यात येणाऱ्या भाविकांच्या सुरक्षिततेसाठी पोलीस व्यवस्थापन, सीसीटीव्ही, बॅरिकेडिंग, सार्वजनिक ध्वनिक्षेपण यंत्रणा लागू करण्यावर भर देण्यात आला. साधुग्रामकरिता अधिक जमीन संपादन करून साधूंकरिता निवास व्यवस्था करण्याच्या सूचनाही मुख्यमंत्र्यांनी (CM Devendra Fadnavis) दिल्या.

(हेही वाचा – भाजपा पाठोपाठ NCP Ajit Pawar Group चेही शिर्डीत अधिवेशन, काय चर्चा होणार ?)

जल व्यवस्थापन आणि स्वच्छता यावर लक्ष

उपमुख्यमंत्री एकनाथ शिंदे यांनी कुंभमेळ्यात पाणी स्वच्छ ठेवण्याच्या उपाययोजना करण्यावर भर दिला. जलपर्णी काढण्यासाठी कायमस्वरूपी उपाययोजना करण्यात याव्यात तसेच मुबलक प्रमाणात प्रसाधनगृहे उभारण्याचे निर्देश दिले.

कुंभमेळ्याचे ब्रँडिंग आणि जागतिक प्रचार

मुख्यमंत्र्यांनी (CM Devendra Fadnavis) नाशिक-त्र्यंबकेश्वर रीलिजियस कॉरिडॉरच्या निर्मितीसाठी प्रस्ताव ठेवला असून, कुंभमेळ्याचे ब्रँडिंग करून जागतिक प्रचारासाठी प्रयत्न करण्याचे निर्देश दिले. कुंभमेळ्यातील व्यवस्था आणि सुविधांमुळे नाशिकचा चौफेर विकास साधण्याचा मानस असल्याचे मुख्यमंत्र्यांनी सांगितले.

या बैठकीत वरिष्ठ मंत्री, अधिकारी आणि संबंधित विभागांचे प्रमुख सहभागी झाले होते. सिंहस्थ कुंभमेळ्याचा हा प्रकल्प धार्मिक पर्यटनासाठी एक मोठा टप्पा ठरेल, असा विश्वास व्यक्त करण्यात आला.

हेही पहा –