सरकारी कर्मचा-यांचं होणार प्रमोशन, पगारात होणार भरघोस वाढ! सरकारची मोठी घोषणा

1 जुलै रोजी 8 हजारांपेक्षा जास्त सरकारी कर्मचा-यांचे प्रमोशन करण्याची घोषणा केल्यानंतर त्यानंतर आता सरकारी कर्मचा-यांना आणखी आनंदाची बातमी केंद्र सरकारकडून देण्यात आली आहे. येत्या दोन ते तीन आठवड्यांत सरकारी कर्मचा-यांच्या प्रमोशनच्या बाबतीत केंद्र सरकार निर्णय घेणार असल्याचे केंद्रीय मंत्री जितेंद्र सिंह यांनी सांगितले आहे. या निर्णयामुळे सरकारी कर्मचा-यांच्या पगारात देखील घरघोस वाढ होणार आहे.

केंद्रीय मंत्र्यांचं आश्वासन

केंद्रीय सचिवालय राजभाषा सेवा गट-अ च्या अधिका-यांनी मंगळवारी केंद्रीय मंत्री जितेंद्र सिंह यांची भेट घेत अधिका-यांच्या प्रलंबित प्रमोशनबाबतची माहिती त्यांनी दिली आहे. अधिका-यांच्या या प्रतिनिधी मंडळानं केलेल्या मागण्यांचा विचार सरकारकडून करण्यात येईल व प्रमोशनच्या बाबतीत निर्माण झालेल्या अडचणींवर तोडगा काढण्याचं आश्वासन जितेंद्र सिंह यांनी दिले आहे.

पदोन्नती गरजेचीच

कार्मिक आणि प्रशिक्षण विभागाने 1 जुलै 2022 रोजी एकाच वेळी तीन प्रमुख सचिवालय सेवांशी संबंधित 8 हजारांपेक्षा जास्त कर्मचा-यांना प्रमोशन दिले होते. सेवेत असताना पदोन्नतीशिवाय निवृत्त होणे हे सरकारी कर्मचा-यांसाठी निराशाजनक असल्याचे सिंह यांनी म्हटले आहे. त्यामुळे भविष्यातील सर्व पदोन्नती आता सुरळीत केल्या जातील, असा विश्वास जितेंद्र सिंह यांनी व्यक्त केला आहे.

प्रतिक्रिया द्या

Please enter your comment!
Please enter your name here