-
प्रतिनिधी
महाराष्ट्रातील विद्यार्थ्यांना (Students) कौशल्यवृद्धी, औद्योगिक अनुभव आणि रोजगारक्षमतेच्या संधी मिळाव्यात यासाठी राज्य सरकार आणि बोर्ड ऑफ एप्रेटीसशिप ट्रेनिंग (पश्चिम विभाग), शिक्षा मंत्रालय, केंद्र सरकार आणि उच्च शिक्षण संचालनालय यांच्यात सामंजस्य करार करण्यात आला आहे, अशी माहिती उच्च व तंत्र शिक्षण मंत्री चंद्रकांत पाटील यांनी दिली.
हा करार मंत्री चंद्रकांत पाटील यांच्या उपस्थितीत शासकीय निवासस्थान सिंहगड येथे करण्यात आला. यावेळी उच्च शिक्षण संचालक डॉ. शैलेंद्र देवळाणकर, बोर्ड ऑफ एप्रेटीसशिप ट्रेनिंगचे संचालक पी. एन. जुमले, तंत्र शिक्षण मंडळ संचालक डॉ. प्रमोद नाईक, उपसंचालक एन. एन. वडोदे आदी उपस्थित होते.
विद्यार्थ्यांना आर्थिक लाभ आणि औद्योगिक अनुभव
नॅशनल एप्रेटीसशिप ट्रेनिंग स्कीम (NATS) अंतर्गत AEDP कोर्सेस समाविष्ट करण्यात आले असून, विद्यार्थ्यांना (Students) एप्रेटीसशिपसाठी अधिक संधी आणि विद्यावेतन मिळणार आहे. प्रशिक्षणादरम्यान विद्यार्थ्यांना दर महिन्याला किमान ८ हजार रुपये विद्यावेतन मिळणार असून, त्यातील ५०% रक्कम केंद्र सरकारकडून थेट विद्यार्थ्यांच्या बँक खात्यात जमा केली जाणार आहे.
(हेही वाचा – Jasprit Bumrah : जसप्रीत बुमराह, आकाशदीप यांचं पुनरागमन लांबलं)
सर्व पदवीधरांसाठी एप्रेटीसशिप संधी
संचालक पी. एन. जुमले यांनी सांगितले की, पूर्वी केवळ अभियांत्रिकी विद्यार्थ्यांसाठी एप्रेटीसशिप उपलब्ध होती. मात्र, नवीन राष्ट्रीय शैक्षणिक धोरण २०२० अंतर्गत सर्व पदवीधर आणि डिप्लोमा धारक विद्यार्थ्यांनाही (Students) एप्रेटीसशिप संधी उपलब्ध करून देण्यात आली आहे.
भव्य रोजगार मेळावे होणार
महाराष्ट्रातील १० विभागीय कार्यालयांच्या माध्यमातून विविध महाविद्यालयांसाठी भव्य रोजगार मेळावे आयोजित करण्यात येणार आहेत, अशी माहिती उच्च शिक्षण संचालक डॉ. शैलेंद्र देवळाणकर यांनी दिली.
हेही पहा –
Join Our WhatsApp Community