संरक्षण उत्पादनांचे अंबरनाथमध्ये भरवले प्रदर्शन

देशाचे संरक्षण मंत्री राजनाथ सिंह यांनी संरक्षण उत्पादन विभागासाठी 13 ते 19 डिसेंबर 2021 या कालावधीत संरक्षण मंत्रालयाला समर्पित सप्ताहाचा भाग म्हणून ‘आझादी का अमृत महोत्सव’ स्वातंत्र्याच्या 75 वर्षांच्या स्मरणार्थ आयोजित शस्त्रातांचे प्रदर्शन भरवण्यात आले.

13 ते 19 डिसेंबर 2021 पर्यंत होते प्रदर्शन

या कार्यक्रमांचा एक भाग म्हणून ऑर्डनन्स फॅक्टरी अंबरनाथ, यंत्र इंडिया लिमिटेडची युनिट आणि मशीन टूल प्रोटोटाइप फॅक्टरी, आर्मड व्हेईकल कॉर्पोरेशन लिमिटेडचे ​​युनिट यांनी संयुक्तपणे संरक्षण उत्पादनांचे आठवडाभर चालणारे सार्वजनिक प्रदर्शन आयोजित केले. ऑर्डनन्स फॅक्टरी इस्टेट येथील कम्युनिटी हॉलमध्ये हे प्रदर्शन आयोजित करण्यात आले आणि ते 13 ते 19 डिसेंबर 2021 पर्यंत सकाळी 10 ते संध्याकाळी 5 वाजेपर्यंत सर्वांसाठी खुले करण्यात आले होते. अंबरनाथमधील संरक्षण उत्पादनाची दोन युनिट्स म्हणजे ऑर्डनन्स फॅक्टरी अंबरनाथ, ‘यंत्र इंडिया लिमिटेड’ याचे मुख्यालय नागपुरात आणि मशीन टूल प्रोटोटाइप फॅक्टरी, आर्मड वेहीकल कॉर्पोरेशन लिमिटेड अंतर्गत येतात आणि त्यांचे मुख्यालय आवाडी येथे आहे. ऑर्डनन्स फॅक्टरी अंबरनाथचे मुख्य उत्पादन नॉनफेरस मेटलर्जिकल आहे. त्याच्या उत्पादनांमध्ये पितळ आणि एल्युमिनियम काडतूस केस, लहान आर्म कप, पितळ कॉइल आणि उच्च शक्ती एल्युमिनियम मिश्र धातु एक्सट्रूडेड उत्पादने समाविष्ट आहेत.